ಪುಟಾಣಿ ಬಾಲಕಿಯೊಬ್ಬಳು ವೇದಿಕೆಯಲ್ಲಿ ನೃತ್ಯ ಪ್ರದರ್ಶನ ಮಾಡುತ್ತಿರುವ ವೇಳೆಯಲ್ಲಿಯೇ ನಿದ್ದೆಗೆ ಜಾರಿದ್ದು, ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ. ಈ ಘಟನೆ ಪಶ್ಚಿಮ ಚೀನಾದ ವೆನ್ಜಾವು ಎಂಬ ನಗರದಲ್ಲಿ ನಡೆದಿದೆ.
ವಿಡಿಯೋದಲ್ಲಿ 5 ವರ್ಷದ ಬಾಲಕಿ ಕಣ್ಣನ್ನ ಮುಚ್ಚಿಕೊಂಡೇ ಇನ್ನೊಬ್ಬ ಬಾಲಕಿಯ ಪಕ್ಕದಲ್ಲಿ ಕುಳಿತಿರೋದನ್ನ ಕಾಣಬಹುದಾಗಿದೆ. ಆಕೆಯ ಸ್ನೇಹಿತೆ ಈ ಬಾಲಕಿಯನ್ನ ಎಚ್ಚರಿಸಲು ಪ್ರಯತ್ನಿಸಿದರೂ ಸಹ ಆಕೆ ಮಾತ್ರ ವೇದಿಕೆಯ ಮೇಲೆಯೇ ತೂಕಡಿಸುತ್ತಿದ್ದಳು.
ಆಕೆಯ ತಾಯಿ ಈ ಬಗ್ಗೆ ಮಾತನಾಡಿದ್ದು ಬಾಲಕಿ ಊಟವಾದ ಬಳಿಕ ನಿದ್ದೆ ಮಾಡುವ ಅಭ್ಯಾಸ ಹೊಂದಿದ್ದಳು. ಆದರೆ ಆಕೆಯ ನೃತ್ಯ ಪ್ರದರ್ಶನ ಇದ್ದಿದ್ದರಿಂದ ಆಕೆಗೆ ಊಟದ ಬಳಿಕ ಮಲಗಲು ಆಗಿರಲಿಲ್ಲ. ಹೀಗಾಗಿ ಸಿಕ್ಕಾಪಟ್ಟೆ ಸುಸ್ತಾಗಿದ್ದ ಬಾಲಕಿ ವೇದಿಕೆಯ ಮೇಲೆ ತೂಕಡಿಸಿದ್ದಾಳೆ ಎಂದು ಹೇಳಿದ್ರು.
ಈ ವಿಡಿಯೋ ಯುಟ್ಯೂಬ್ನಲ್ಲಿ 3.2 ಲಕ್ಷಕ್ಕೂ ಹೆಚ್ಚು ವೀವ್ಸ್ ಪಡೆದುಕೊಂಡಿದೆ. ಕಮೆಂಟ್ನಲ್ಲಿ ನೆಟ್ಟಿಗರು, ನಿದ್ರೆ ಬರ್ತಿದ್ದರೂ ಸಹ ತಾನು ಕುಳಿತಿದ್ದ ಭಂಗಿಯನ್ನ ಯಾವುದೇ ಬದಲಾವಣೆ ಮಾಡದ ಬಾಲಕಿಯನ್ನ ಕಂಡು ಆಶ್ಚರ್ಯ ಹೊರಹಾಕಿದ್ದಾರೆ.
Loading ...