ಇಲ್ಲಿದೆ ಕೊರೊನಾ ಲಸಿಕೆ ಸ್ವೀಕರಿಸಿದ ವಿಶ್ವ ನಾಯಕರ ಪಟ್ಟಿ

ಅಮೆರಿಕ ಅಧ್ಯಕ್ಷ ಜೋ ಬಿಡೆನ್ : ಅಮೆರಿಕ ಚುನಾಯಿತ ಅಧ್ಯಕ್ಷ 78 ವರ್ಷದ ಜೋ ಬಿಡೆನ್​ ಕಳೆದ ತಿಂಗಳು ಫೈಜರ್​ ಲಸಿಕೆ ಸ್ವೀಕರಿಸಿದ್ದಾರೆ. ಲಸಿಕೆ ಸ್ವೀಕರಿಸಿದ ಬಳಿಕ ಬಿಡೆನ್​ ದೇಶದ ಆರೋಗ್ಯ ಸಿಬ್ಬಂದಿಗೆ ಧನ್ಯವಾದ ಅರ್ಪಿಸಿದ್ರು. ಈ ವಾರದ ಮೊದಲು ಬಿಡೆನ್​ ಲಸಿಕೆಯ ಎರಡನೇ ಡೋಸ್​ನ್ನೂ ಪಡೆದಿದ್ದಾರೆ .

ಅಮೆರಿಕ ಚುನಾಯಿತ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ : ಜೋ ಬಿಡೆನ್​ ಲಸಿಕೆ ಪಡೆದ ವಾರದ ಬಳಿಕ ಅಮೆರಿಕ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್​ ಮೊಡೆರ್ನಾ ಲಸಿಕೆ ಸ್ವೀಕರಿಸಿದ್ರು. ಈ ಬಳಿಕ ಮುಂಚೂಣಿ ಕಾರ್ಯಕರ್ತರಿಗೆ ಆಭಾರಿಯಾಗಿದ್ದೇನೆ ಎಂದು ಟ್ವೀಟ್​ ಮಾಡಿದ್ದರು.

ಅಮೆರಿಕ ಉಪಾಧ್ಯಕ್ಷ ಮೈಕ್​ ಪೆನ್ಸ್ : ಡಿಸೆಂಬರ್ 19ರಂದು ಮೈಕ್​ ಪೆನ್ಸ್​ ಫೈಜರ್​ ಲಸಿಕೆಯ ಮೊದಲ ಡೋಸ್​ ಸ್ವೀಕರಿಸಿದ್ರು. ಇವರ ಪತ್ನಿ ಕರೆನ್​ ಕೂಡ ಆ ದಿನವೇ ಲಸಿಕೆ ಸ್ವೀಕರಿಸಿದ್ದರು.

ರಾಣಿ ಎಲೆಜೆಬೆತ್​ ಹಾಗೂ ಪ್ರಿನ್ಸ್ ಫಿಲಿಪ್​ : ಕಳೆದ ವಾರ ಬ್ರಿಟಿಷ್ ರಾಣಿ 94 ವರ್ಷದ ಎಲೆಜೆಬೆತ್​​​ ಹಾಗೂ ಆಕೆಯ ಪತಿ 99 ವರ್ಷದ ಪ್ರಿನ್ಸ್ ಫಿಲಿಪ್​ ಕೊರೊನಾ ವಿರುದ್ಧದ ಲಸಿಕೆ ಪಡೆದ್ರು.

ಇನ್ನುಳಿದಂತೆ ಇಸ್ರೆಲ್​ ಪ್ರಧಾನಿ ಬೆಂಜೆಮಿನ್​ ನೆತನ್ಯಾಹು, ಸೌದಿ ಅರೇಬಿಯಾ ರಾಜ ಸಲ್ಮಾನ್, ಫ್ರಾನ್ಸಿಸ್​ ಪೋಪ್​ ಹಾಗೂ ಮಾಜಿ ಪೋಪ್​ ಬೆನೆಡಿಕ್ಟ್, ಇಂಡೋನೇಷಿಯಾ ಅಧ್ಯಕ್ಷ ಜೋಕೋ ವಿಡೊಡೊ, ಹರಿಯಾಣ ಸಚಿವ ಅನಿಲ್​ ವಿಜ್​ ಕೊರೊನಾ ವಿರುದ್ಧ ಲಸಿಕೆಯನ್ನ ಸ್ವೀಕರಿಸಿದ್ದಾರೆ.