ಆಸ್ಟ್ರಿಚ್ ‌ಗಳೊಂದಿಗೆ ಬೈಸಿಕಲ್ ರೇಸ್ ‌ಗೆ ಮುಂದಾದ ದುಬೈ ಯುವರಾಜ

ಬೈಸಿಕಲ್ ಏರಿ ಹೊರಟ ದುಬೈ ಯುವರಾಜ ಶೇಖ್‌ ಹಮ್ದಾನ್ ಬಿನ್ ಮೊಹಮ್ಮದ್ ಬಿನ್ ರಶೀದ್ ಅಲ್ ಮಕ್ತೌಮ್ ಎರಡು ದಿಗ್ಗಜ ಆಸ್ಟ್ರಿಚ್‌ಗಳೊಂದಿಗೆ ರೇಸ್‌ನಲ್ಲಿ ಭಾಗಿಯಾಗಿರುವ ಚಿತ್ರವೊಂದು ವೈರಲ್ ಆಗಿದೆ.

ಭೂಮಿ ಮೇಲಿನ ಅತ್ಯಂತ ವೇಗವಾಗಿ ಓಡಬಲ್ಲ ಪಕ್ಷಿಗಳಿಗಿಂತ ಯುವರಾಜ ಮುಂದೆ ಇರುವಂತೆ ತೆಗೆಯಲಾದ ಚಿತ್ರವೊಂದನ್ನು ಅವರ ಇನ್‌ಸ್ಟಾಗ್ರಾಂ ಪ್ರೊಫೈಲ್‌ನಲ್ಲಿ ಪೋಸ್ಟ್‌ ಮಾಡಲಾಗಿದೆ.

ಈ ವಿಡಿಯೋವನ್ನು ಅದಾಗಲೇ ಐದು ಲಕ್ಷದಷ್ಟು ಜನರು ವೀಕ್ಷಿಸಿದ್ದು ಭಾರೀ ಫನ್ನಿ ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ.

ಫಜ್ಜಾ ಎಂದು ಕರೆಯಲ್ಪಡುವ 38 ವರ್ಷದ ಯುವರಾಜ ಈ ಹಿಂದೆ ತಮ್ಮ ಮರ್ಸಿಡಿಸ್ ಎಸ್‌ಯುವಿಯ ವಿಂಡ್‌ಶೀಲ್ಡ್‌ನಲ್ಲಿ ಹಕ್ಕಿಯೊಂದು ಮೊಟ್ಟೆ ಇಟ್ಟಿದ್ದ ಕಾರಣ ಅವು ಮರಿಗಳಾಗಲಿ ಎಂದು ಕೆಲ ದಿನಗಳ ಮಟ್ಟಿಗೆ ಆ ಕಾರನ್ನು ಬಳಸಿರಲಿಲ್ಲ.

https://www.instagram.com/tv/CJf7QhPJLAy/?utm_source=ig_web_copy_link