ಕೊರೊನಾ ಲಸಿಕೆ ಪಡೆದವರಿಗೆ ಹೋಟೆಲ್​ ಬಿಲ್​ನಲ್ಲಿ ಸಿಗುತ್ತೆ ರಿಯಾಯಿತಿ..!

ಕೊರೊನಾ ಲಸಿಕೆ ಸ್ವೀಕರಿಸೋದನ್ನ ಉತ್ತೇಜಿಸುವ ಸಲುವಾಗಿ ದುಬೈನ ರಸ್ಟೋರೆಂಟ್​ಗಳಲ್ಲಿ ಕೊರೊನಾ ಲಸಿಕೆ ಪಡೆದ ಜನತೆಗೆ ರಿಯಾಯಿತಿ ನೀಡುತ್ತಿವೆ.

10 ಮಿಲಿಯನ್​ ಜನಸಂಖ್ಯೆ ಹೊಂದಿರುವ ಯುನೈಟೆಡ್​ ಅರಬ್​ ಎಮಿರೇಟ್ಸ್ ಈಗಾಗಲೇ 2.5 ಮಿಲಿಯನ್​ ಜನರಿಗೆ ಕೊರೊನಾ ಲಸಿಕೆ ನೀಡಿದೆ.

ಈ ಮೂಲಕ ಇಸ್ರೆಲ್​ ಬಳಿಕ ಅತಿ ಹೆಚ್ಚು ಲಸಿಕೆ ನೀಡಿದ ರಾಷ್ಟ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಪ್ರೀತಿಯನ್ನ ಹಂಚಿ ಕಣ್ಣೀರನ್ನಲ್ಲ ಎಂದು ಹೇಳಿದ ಗೇಟ್ಸ್​ ಹಾಸ್ಪಿಟಾಲಿಟಿ ತನ್ನ ಮೂರು ರೆಸ್ಟಾರೆಂಟ್​ಗಳಲ್ಲಿ ಕೊರೊನಾ ಲಸಿಕೆ ಪಡೆದವರಿಗೆ ಬಿಲ್​​ನಲ್ಲಿ ರಿಯಾಯಿತಿಯನ್ನ ನೀಡುತ್ತಿದೆ. ಮೊದಲ ಡೋಸ್​ ಪಡೆದವರಿಗೆ 10 ಪ್ರತಿಶತ ಹಾಗೂ ಎರಡು ಡೋಸ್​ಗಳನ್ನ ಪೂರ್ಣಗೊಳಿಸಿದವರಿಗೆ 20 ಪ್ರತಿಶತ ರಿಯಾಯಿತಿ ಸಿಗಲಿದೆ.

ಕೊರೊನಾ ಲಸಿಕೆ ಪಡೆದ ಸಂಬಂಧ ವೈದ್ಯಕೀಯ ಪ್ರಮಾಣ ಪತ್ರಗಳನ್ನ ತೋರಿಸಿದ್ರೆ ರೆಸ್ಟಾರೆಂಟ್​ಗಳಲ್ಲಿ ಈ ರಿಯಾಯಿತಿ ಸಿಗಲಿದೆ. ರೆಸ್ಟಾರೆಂಟ್​​ನ ಈ ಕ್ರಮವನ್ನ ಅನೇಕರು ಸ್ವಾಗತಿಸಿದ್ರೆ ನೆಟ್ಟಿಗರು ಹುಬ್ಬೇರಿಸಿದ್ದಾರೆ.