ಜಗತ್ತಿನ ಅತಿ ದೊಡ್ಡ ಗ್ರೀಟಿಂಗ್ ಕಾರ್ಡ್ ಸೃಷ್ಟಿಸಿದ ಅನಿವಾಸಿ ಭಾರತೀಯ

ಜಗತ್ತಿನ ಅತಿ ದೊಡ್ಡ ಪಾಪ್‌ಅಪ್ ಗ್ರೀಟಿಂಗ್‌ ಕಾರ್ಡ್ ಸೃಷ್ಟಿಸಿರುವ ಭಾರತ ಮೂಲಕ ದುಬೈ‌ ನಿವಾಸಿಯೊಬ್ಬರು, ಗಿನ್ನೆಸ್ ದಾಖಲೆ ಪುಸ್ತಕ ಸೇರಿಕೊಂಡಿದ್ದಾರೆ.

ರಾಮ್‌ಕುಮಾರ್‌ ಸಾರಂಗಪಾಣಿ ಹೆಸರಿನ ಈ ವ್ಯಕ್ತಿ ಅತಿ ಹೆಚ್ಚು ಗಿನ್ನೆಸ್ ದಾಖಲೆಗಳನ್ನು ಸೃಷ್ಟಿಸಿದ ಶ್ರೇಯ ಹೊಂದಿದ್ದು, ಈ ಹೊಸ ದಾಖಲೆಯೊಂದಿಗೆ ಅವರೀಗ 19ನೇ ಬಾರಿಗೆ ಗಿನ್ನೆಸ್ ಪುಸ್ತಕದಲ್ಲಿ ತಮ್ಮ ಹೆಸರನ್ನು ಬರೆಯಿಸಿಕೊಂಡಿದ್ದಾರೆ.

ಸಾಮಾನ್ಯವಾದ ಪಾಪ್‌ಅಪ್ ಗ್ರೀಟಿಂಗ್ ಕಾರ್ಡ್‌ನ ನೂರು ಪಟ್ಟು ದೊಡ್ಡದಾದ ಸಾರಂಗಪಾಣಿ ಅವರ ಈ ಕಾರ್ಡ್‌ 8.20 ಚದರ ಮೀಟರ್‌ ವಿಸ್ತಾರವಿದ್ದು, ಈ ಹಿಂದಿನ ದಾಖಲೆಯಾದ 6.729 ಚ.ಮೀ. ವಿಸ್ತಾರದ ಕಾರ್ಡ್‌ಗಿಂತ ದೊಡ್ಡದಿದೆ. ಈ ಕಾರ್ಡ್‌ನಲ್ಲಿ ಯುಎಇ ಉಪಾಧ್ಯಕ್ಷ ಹಾಗೂ ಪ್ರಧಾನ ಮಂತ್ರಿ ಶೇಖ್‌ ಮೊಹಮ್ಮದ್ ಬಿನ್ ರಶೀದ್ ಅಲ್ ಮಕ್ತೌಮ್‌ರ ಕೊಲಾಜ್ ಚಿತ್ರಗಳನ್ನು ಹೊಂದಿದೆ.