ಮಕ್ಕಳು ದೂರಾದ ನೋವು ಮರೆಯಲು ಗೊಂಬೆಗಳನ್ನ ಸಲುಹುತ್ತಿದ್ದಾರೆ ವಿಚ್ಛೇದಿತ ಮಹಿಳೆ….!

ವಿವಾಹ ವಿಚ್ಛೇದನದ ಬಳಿಕ ಮಕ್ಕಳು ತನ್ನ ಕಸ್ಟಡಿಗೆ ಸಿಗಲಿಲ್ಲ ಎಂದು ನೊಂದಿದ್ದ ತಾಯಿಯೊಬ್ಬರು ಮಗುವಿನ ರೀತಿಯ ಗೊಂಬೆಗಳನ್ನ ಸಲಹುವ ಮೂಲಕ ಮಕ್ಕಳಿಲ್ಲದ ನೋವನ್ನ ಮರೆತಿದ್ದಾರೆ. ಈ ಕಾರಣದಿಂದಾಗಿಯೇ ಗೊಂಬೆಗಳ ತಾಯಿ ಸೋಶಿಯಲ್​ ಮೀಡಿಯಾದಲ್ಲಿ ಭಾರೀ ಸದ್ದು ಮಾಡ್ತಿದ್ದಾರೆ.

ವರ್ಜಿನಿಯಾದ 42ವರ್ಷದ ಮಹಿಳೆ ಲಿಜ್​ ವಾಟ್ಸನ್​​​ 2016ರಿಂದ ಗೊಂಬೆಗಳನ್ನ ಮಕ್ಕಳಂತೆ ಸಲಹುತ್ತಿದ್ದಾರೆ. ಮಕ್ಕಳು ದೂರಾದ ಬಳಿಕ ನೋವನ್ನ ಅನುಭವಿಸುತ್ತಿದ್ದ ಇವರು ಯುಟ್ಯೂಬ್​ ವಿಡಿಯೋಗಳನ್ನ ನೋಡಿದ ಬಳಿಕ ಈ ಪ್ಲಾನ್​ ಮಾಡಿದ್ದಾರೆ. ಇದೀಗ ಮನೆ ತುಂಬೆಲ್ಲ ಮಗುವಿನಂತ ಗೊಂಬೆಗಳು ತುಂಬಿ ಹೋಗಿವೆ.

ಈ ಗೊಂಬೆಗಳನ್ನ ಸಿಲಿಕಾನ್​ನಿಂದ ಮಾಡಲಾಗಿದ್ದು ನೋಡೋಕೆ ಥೇಟ್​ ಮಗುವಿನಂತೆಯೇ ಇರುತ್ತದೆ. ಈ ಗೊಂಬೆಗಳು ತಾನು ಮೊದಲ ಮದುವೆಯಿಂದ ಪಡೆದ ಎರಡು ಮಕ್ಕಳನ್ನ ನೆನೆದು ಆಗುವ ನೋವನ್ನ ಮರೆಯಿಸುತ್ತವೆ ಎಂದು ಲಿಜ್​ ಹೇಳಿದ್ದಾರೆ.

2010ರಲ್ಲಿ ತಮ್ಮ ಮೊದಲ ಪತಿಯಿಂದ ವಿಚ್ಛೇದನ ಪಡೆದಿದ್ದ ಲಿಜ್​ 2013ರಲ್ಲಿ ಎರಡನೆಯ ಪತಿಯ ಜೊತೆಗೆ ಮೊದಲ ಮದುವೆಯಿಂದ ಪಡೆದ ಇಬ್ಬರು ಮಕ್ಕಳ ಜೊತೆ ಬೇರೆ ದೇಶದಲ್ಲಿ ಇರಲು ಆರಂಭಿಸಿದ್ರು. ಆದರೆ ಇಬ್ಬರು ಮಕ್ಕಳಿಗೆ ಈ ಹೊಸ ಜೀವನಕ್ಕೆ ಒಗ್ಗಿಕೊಳ್ಳಲು ಸಾಧ್ಯವಾಗಲಿಲ್ಲ. ಹೀಗಾಗಿ ತನ್ನ ಇಬ್ಬರು ಮಕ್ಕಳನ್ನು ಮೊದಲ ಪತಿಯ ಮನೆಗೆ ಕಳಿಸಿಕೊಡುವಂತಹ ಗಟ್ಟಿ ನಿರ್ಧಾರವನ್ನ ಲಿಜ್​ ತೆಗೆದುಕೊಳ್ಳಲೇಬೇಕಾಯ್ತು.

ಇದಾದ ಬಳಿಕ ಲಿಜ್​​ ಗೊಂಬೆಗಳೊಂದಿಗೆ ಇರಲು ಆರಂಭಿಸಿದ್ರು. 2016ರಲ್ಲಿ ಮೊಟ್ಟ ಮೊದಲ ಗೊಂಬೆಯನ್ನ ಖರೀದಿ ಮಾಡಿದ್ರು. ಇದೀಗ ಲಿಜ್​ ಬಳಿ 9 ಮಗು ರೂಪದ ಗೊಂಬೆಗಳಿವೆ. ಇದರಲ್ಲಿ ಎರಡು ಗೊಂಬೆಗಳಿಗೆ ತಮ್ಮ ಸ್ವಂತ ಮಕ್ಕಳ ಹೆಸರನ್ನೇ ಲಿಜ್​ ಇಟ್ಟಿದ್ದಾರೆ.