ಕೇವಲ ಐದೇ ದಿನದಲ್ಲಿ ವೃದ್ದ ದಂಪತಿಯ 3ಡಿ ಮನೆ ನಿರ್ಮಾಣ…!

ಡಚ್​​ನ ವೃದ್ಧ ದಂಪತಿ ಯುರೋಪ್​​ನ ಕೇವಲ ಐದೇ ದಿನಗಳಲ್ಲಿ ನಿರ್ಮಾಣ ಮಾಡಲಾದ ಮೊದಲ 3ಡಿ ಪ್ರಿಂಟ್​ ಮನೆಗೆ ಶಿಫ್ಟ್ ಆಗಿದ್ದಾರೆ.

70 ವರ್ಷದ ಎಲೈಜ್​ ಲಟ್ಜ್​​ ಹಾಗೂ 67 ವರ್ಷದ ಹ್ಯಾರಿ ಡೆಕ್ಕರ್​​ ಎರಡು ಬೆಡ್​ರೂಮ್​ ಹೊಂದಿರುವ ಮನೆಯನ್ನ 960 ಡಾಲರ್​​ಗೆ ಬಾಡಿಗೆಗೆ ಪಡೆದಿದ್ದಾರೆ. ಕೇವಲ 94 ಚದರ ಮೀಟರ್​ ವಿಸ್ತೀರ್ಣದಲ್ಲಿ ಈ ಮನೆಯನ್ನ ನಿರ್ಮಿಸಲಾಗಿದೆ.

ಮನೆಯ ಹೊರಾಂಗಣದಲ್ಲಿ ತಿಳಿ ಬಿಳಿ ಬಣ್ಣದ ಪೇಂಟಿಂಗ್​ ಮಾಡಲಾಗಿದೆ. ಮನೆಯ ಒಳಗಡೆ ಅತ್ಯಂತ ಸುಂದರವಾಗಿ ಅಲಂಕಾರ ಮಾಡಲಾಗಿದೆ.

ಈ ದಂಪತಿ ಕಳೆದ ವಾರ ಮನೆಯ ಡಿಜಿಟಲ್​ ಕೀಯನ್ನ ಪಡೆದಿದೆ. ಈ ಮನೆ ನಿಮಗೆ ನೋಡೋಕೆ ಸಣ್ಣ ಗಾತ್ರ ಎನಿಸಿದರೂ ಸಹ ಚಿಕ್ಕ ಕುಟುಂಬಕ್ಕೆ ಇದು ಹೇಳಿ ಮಾಡಿಸಿದಂತಹ ಮನೆಯಾಗಿದೆ.

ಇನ್ನು ಈ ವಿಚಾರವಾಗಿ ಮಾತನಾಡಿದ ಎಲೈಜ್​, ಈ ರೀತಿಯ ಮನೆಯನ್ನ ನಾನು ಇದೇ ಮೊದಲ ಬಾರಿಗೆ ನೋಡಿದ್ದೇನೆ. ತಾವು ಚಿಕ್ಕವರಾಗಿದ್ದಾಗ ತಿಳಿದುಕೊಂಡಿದ್ದ ಯಾವುದೋ ಒಂದು ವಿಚಾರವನ್ನ ಇದು ನೆನಪಿಸುತ್ತೆ ಎಂದು ಹೇಳಿದ್ದಾರೆ.

ತಜ್ಞರು ನೀಡಿದ ಮಾಹಿತಿಯ ಪ್ರಕಾರ ಈ ಮನೆಗೆ ಬಳಸಲಾದ ಸಿಮೆಂಟ್​ ಟೂತ್​ಪೇಸ್ಟ್​ನ ಸ್ಥಿರತೆಯನ್ನ ಹೊಂದಿದೆ. ಹಾಗೂ ಇದು ಮನೆಯನ್ನ ಗಟ್ಟಿಯಾಗಿ ಹಿಡಿದಿಟ್ಟುಕೊಳ್ಳಲಿದೆ ಎಂದು ಹೇಳಿದ್ದಾರೆ.