ದೇಹದ ಅರ್ಧ ಭಾಗ ಕತ್ತರಿಸಿದರೂ ಬದುಕುಳಿದ ಯುವಕ…!

ಜೀವಕ್ಕೇ ಮಾರಕವಾಗಬಲ್ಲ ಅಪಘಾತವೊಂದರಿಂದ ಪಾರಾಗಿರುವ ಅಮೆರಿಕದ ಟೀನೇಜರ್‌ ಒಬ್ಬ ಇದೀಗ ಚೇತರಿಸಿಕೊಳ್ಳುತ್ತಿದ್ದಾನೆ. ತನಗಾದ ಅಫಘಾತದಿಂದ ಪಾರಾಗಲು ಈತನಿಗೆ ತನ್ನ ದೇಹದ ಅರ್ಧ ಭಾಗವನ್ನೇ ಕತ್ತರಿಸಿ ತೆಗೆಯಬೇಕಾಗಿ ಬಂದಿತ್ತು.

ಲೊರೆನ್ ಶಾಯೆರ್ಸ್ ಹೆಸರಿನ 19 ವರ್ಷದ ಈ ಟೀನೇಜರ್‌ ನಾಲ್ಕು ಟನ್‌ ಸಾಮರ್ಥ್ಯದ ಫೋರ್ಕ್‌ಲಿಫ್ಟ್ ಟ್ರಕ್ ಒಂದನ್ನು ಚಾಲನೆ ಮಾಡುತ್ತಿದ್ದ ವೇಳೆ ಅಪಘಾತಕ್ಕೆ ಒಳಗಾಗಿ ವಾಹನದ ಅಡಿಗೆ ಸಿಲುಕಿಬಿಟ್ಟಿದ್ದ. ಇಲ್ಲಿನ ಮಾಂಟನಾದದ ಗ್ರೇಟ್ ಫಾಲ್ಸ್‌ನವನಾದ ಈ ಟೀನೇಜರ್‌ ತನಗೆ ಅಪಘಾತವಾದ ಬಳಿಕವೂ ಪ್ರಜ್ಞಾವಸ್ಥೆಯಲ್ಲೇ ಇದ್ದು, ತನ್ನ ಕೈಗಳು ಹಾಗೂ ಸೊಂಟ ಅಪ್ಪಚ್ಚಿಯಾಗಿರುವುದನ್ನು ಕಣ್ಣಾರೆ ಕಂಡಿದ್ದಾನೆ.

ತನ್ನ ಈ ಅನುಭವದ ಬಗ್ಗೆ ಹೇಳಿಕೊಂಡಿರುವ ಲೊರೆನ್, ತನ್ನ ಅರ್ಧ ದೇಹವನ್ನು ಕೊಯ್ದುಕೊಳ್ಳದೇ ಬೇರೆ ವಿಧಿಯೇ ಇರಲಿಲ್ಲ ಎಂದಿದ್ದಾನೆ.

https://twitter.com/NowMyNews/status/1330992667908423680?ref_src=twsrc%5Etfw%7Ctwcamp%5Etweetembed%7Ctwterm%5E1330992667908423680%7Ctwgr%5E%7Ctwcon%5Es1_&ref_url=https%3A%2F%2Fwww.news18.com%2Fnews%2Fbuzz%2Fchoice-of-life-and-death-us-teen-gets-entire-lower-body-amputated-after-forklift-truck-crash-3112382.html