ಸರ್ಜಿಕಲ್ ಮಾಸ್ಕ್ ಮರುಬಳಕೆ ಮಾಡುವ ಕುರಿತು ಇಲ್ಲಿದೆ ಸುಲಭ ವಿಧಾನ

ಕೊರೊನಾ ವೈರಸ್​  ವಿಶ್ವಕ್ಕೆ ಬಂದು ಅಪ್ಪಳಿಸಿದ ಬಳಿಕ ಮಾಸ್ಕ್​ ಬಳಕೆ ಕಡ್ಡಾಯವಾಗಿ ಹೋಗಿದೆ. ಆದರೆ ಈ ಮಾಸ್ಕ್​ಗಳನ್ನ ಮರು ಬಳಕೆ ಮಾಡಬಹುದೇ ಬೇಡವೇ ಅನ್ನೋದರ ಬಗ್ಗೆ ಚರ್ಚೆ ನಡೆಯುತ್ತಲೇ ಇದೆ. ಸರ್ಜಿಕಲ್​ ಮಾಸ್ಕ್​​ಗಳನ್ನ ಹೇಗೆ ಮರುಬಳಕೆ ಮಾಡಬಹುದು ಅನ್ನೋದರ  ಬಗ್ಗೆ ಫ್ರೆಂಚ್​ ಮೈಕ್ರೋಬಯೋಲಾಜಿಸ್ಟ್​ ಒಬ್ಬರು ಸಲಹೆ ನೀಡಿದ್ದಾರೆ.

ಒಮ್ಮೆ ಬಳಕೆ ಮಾಡಿದ ಮಾಸ್ಕ್​​ಗಳನ್ನ ಒಂದು ಕವರ್​ ಒಳಗೆ ಹಾಕಿ ಅದರ ಮೇಲೆ ನೀವು ಬಳಕೆ ಮಾಡಿದ ದಿನಾಂಕ ಬರೆದು ಹಾಗೆ ಇಡಿ. 7 ದಿನಗಳ ಬಳಿಕ ಮಾಸ್ಕ್​​ನಲ್ಲಿರುವ ಎಲ್ಲಾ ವೈರಸ್​ಗಳು ಸಾಯೋದ್ರಿಂದ ನೀವು ಇದನ್ನ ಮರುಬಳಕೆ ಮಾಡಬಹುದು ಅಂತಾ ವಿಜ್ಞಾನಿಗಳು ಹೇಳಿದ್ದಾರೆ.

ಕೆಲಸದ ಒತ್ತಡ ಹೊಂದಿರುವ ತುರ್ತು ಸಿಬ್ಬಂದಿ ತಮ್ಮ ಎನ್​ 95 ಮಾಸ್ಕ್​ಗಳನ್ನ ಈ ರೀತಿ ಬಳಕೆ ಮಾಡಬಹುದಾಗಿದೆ. 5 ರಿಂದ 10 ಬಾರಿ ಈ ವಿಧಾನದಲ್ಲಿ ಬಳಕೆ ಮಾಸ್ಕ್​ಗಳನ್ನ ಮರು ಬಳಕೆ ಮಾಡಬಹುದಾಗಿದೆ.

ಓವನ್​​ಗಳಲ್ಲಿ ಮಾಸ್ಕ್​​ಗಳನ್ನ ಇಟ್ಟು 70-75 ಡಿಗ್ರಿ ಸೆಲ್ಸಿಯಸ್​ನಲ್ಲಿ ಬಿಸಿ ಮಾಡುವುದರ ಮೂಲಕವೂ ಮಾಸ್ಕ್​​ಗಳನ್ನ ಮರುಬಳಕೆ ಮಾಡಬಹುದಂತೆ. ಮಾಸ್ಕ್​​ಗಳನ್ನ ವಾಶಿಂಗ್​ ಮಷಿನ್​ ಹಾಕುವ ಬದಲು ಈ ವಿಧಾನಗಳು ಹೆಚ್ಚು ಉಪಯುಕ್ತ ಎನಿಸಲಿವೆ ಅಂತಾ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.