BIG NEWS: ಎಲ್ಲಾ ಬಗೆಯ ಕೊರೊನಾ ವೈರಸ್ ಸಂತತಿಯೇ ನಾಶ – ಇಲ್ಲಿದೆ ಗುಡ್ ನ್ಯೂಸ್

ಕೊರೋನಾ ಸೋಂಕು ತಡೆಗೆ ಅನೇಕ ದೇಶಗಳಲ್ಲಿ ಲಸಿಕೆ ತಯಾರಿ ಅಂತಿಮ ಹಂತದಲ್ಲಿದ್ದು ಇದರ ನಡುವೆ ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯ ಕೊರೊನಾ ವೈರಸ್ ಸಂತತಿಯನ್ನು ಮಟ್ಟ ಹಾಕಲು ಮುಂದಾಗಿದೆ.

ಶಾಶ್ವತವಾಗಿ ಕೊರೋನಾಗೆ ಬ್ರೇಕ್ ಹಾಕಲು ಮುಂದಾಗಿರುವ ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯ ಎಲ್ಲಾ ರೀತಿಯ ವೈರಸ್ ಗಳಿಗೆ ಲಸಿಕೆ ಅಭಿವೃದ್ಧಿಪಡಿಸಲು ಯೋಜನೆ ರೂಪಿಸಿದೆ. ಬಾವಲಿಗಳಲ್ಲಿ ಇರಬಹುದಾದ ಕೊರೋನಾವೈರಸ್ ಸೇರಿದಂತೆ ಎಲ್ಲ ರೀತಿಯ ಕೊರೋನಾ ವೈರಸ್ ಗಳ ಅನುವಂಶೀಯತೆಯನ್ನು ಕೇಂಬ್ರಿಡ್ಜ್ ವಿವಿ ಅಭಿವೃದ್ಧಿಪಡಿಸುತ್ತಿರುವ ಲಸಿಕೆ ಡಿಯೋಸ್ ಕೊವ್ಯಾಕ್ಸ್ -2 ನಲ್ಲಿ ಬಳಸಿಕೊಳ್ಳಲಾಗುತ್ತಿದೆ.

ಎಲ್ಲಾ ಪ್ರಯೋಗ ಪೂರ್ಣಗೊಂಡ ಬಳಿಕ ಸ್ಪ್ರಿಂಗ್ ಚಾಲಿತ ಜೆಟ್ ಇಂಜೆಕ್ಷನ್ ಮೂಲಕ ಲಸಿಕೆ ನೀಡಲಾಗುವುದು. ಇದರಿಂದ ಚರ್ಮಕ್ಕೆ ಯಾವುದೇ ರೀತಿಯ ನೋವಾಗುವುದಿಲ್ಲ ಎಂದು ಹೇಳಲಾಗಿದೆ.

ಲಸಿಕೆಯ ಬಗ್ಗೆ ಹಲವು ಮಾಹಿತಿಯನ್ನು ಕೇಂಬ್ರಿಡ್ಜ್ ವಿವಿ ನೀಡಿದ್ದು, ವಿವಿಯ ಲ್ಯಾಬೋರೇಟರಿ ಮತ್ತು ವೈರಲ್ ಜೂನಾಟಿಕ್ಸ್ ಲ್ಯಾಬ್ ಮುಖ್ಯಸ್ಥ ಪ್ರೊ. ಜೋನಾಥನ್ ಹೀನಿ ತಿಳಿಸಿದ್ದಾರೆ. ಸಾರ್ಸ್ ಕೋವ್ -2 ವೈರಸ್ ರಚನೆಯ ತ್ರಿಡಿ ಕಂಪ್ಯೂಟರ್ ಮಾಡಲಿಂಗ್ ಅನ್ನು ಪ್ರಯೋಗ ಒಳಗೊಂಡಿದ್ದು ಸಾರ್ಸ್, ಮೆರ್ಸ್ ಮತ್ತು ಪ್ರಾಣಿಗಳಲ್ಲಿರುವ ವೈರಸ್ ಮಾಹಿತಿಯನ್ನು ಬಳಸಿಕೊಳ್ಳಲಾಗುತ್ತಿದೆ. ಪ್ರಾಣಿಗಳಿಂದ ಮನುಷ್ಯರಿಗೆ ಹರಡಬಹುದಾದ ಇತರೆ ವೈರಸ್ ಗಳ ವಿರುದ್ಧವೂ ಪ್ರತಿರೋಧದ ಶಕ್ತಿ ಸೃಷ್ಟಿಸುವ ಸಾಮರ್ಥ್ಯವನ್ನು ಹೊಂದಬಹುದಾಗಿದೆ ಎಂದು ಹೇಳಲಾಗಿದೆ.