ಫ್ಲೋರಿಡಾದ ಜೋಡಿಯೊಂದು ತಮ್ಮ ಮದುವೆಗೆ ಅದ್ಧೂರಿ ಕಾರ್ಯಕ್ರಮವನ್ನ ಪ್ಲಾನ್ ಮಾಡಿತ್ತು. ಆದರೆ ಆಶ್ಚರ್ಯಕರ ವಿಚಾರ ಏನು ಅಂದರೆ ಈ ವಿಶೇಷ ದಿನಕ್ಕಾಗಿ ಅವರು ಯಾವುದೇ ಸ್ಥಳವನ್ನ ಬುಕ್ ಮಾಡಿರಲಿಲ್ಲ. ಕರ್ಟ್ನಿ ವಿಲ್ಸನ್ ಹಾಗೂ ಶೆನಿತಾ ಜೋನ್ಸ್ ತಮ್ಮ ಅದ್ದೂರಿ ವಿವಾಹಕ್ಕೆ ಕುಟುಂಬಸ್ಥರು ಹಾಗೂ ಸ್ನೇಹಿತರಿಗೆ ಆಹ್ವಾನ ನೀಡಿದ್ದರು.
16300 ಚದರ ಅಡಿ ಫೋರ್ಟ್ ಲ್ಯಾಡರ್ ಡೇಲ್ ಎಸ್ಟೇಟ್ನಲ್ಲಿ ವಿವಾಹ ಆಯೋಜಿಸಿದ್ದ ದಂಪತಿ ಇಲ್ಲಿಗೆ ಆತ್ಮೀಯರನ್ನ ಆಹ್ವಾನಿಸಿದ್ರು. ಈ ಎಸ್ಟೇಟ್ನಲ್ಲಿ ಈಜುಕೊಳ, ಟೆನ್ನಿಸ್ ಕೋರ್ಟ್, ಹಾಟ್ ಟಬ್ ಸೇರಿದಂತೆ ಇನ್ನೂ ಹಲವು ಸೌಲಭ್ಯಗಳಿದ್ದವು.
ಅತಿಥಿಗಳನ್ನುದ್ದೇಶಿಸಿ ಮಾತನಾಡಿದ ವಿಲ್ಸನ್ ತಮ್ಮ ಜೀವನದ ಪ್ರೀತಿ ಪಾತ್ರಳನ್ನ ವಿವಾಹವಾಗಿದ್ದು ದೇವರ ಪ್ಲಾನ್ ಎಂದಿದ್ದಾರೆ. ಆದರೆ ಅಚ್ಚರಿಯ ವಿಚಾರ ಅಂದರೆ ಈ ಎಸ್ಟೇಟ್ನ ಮಾಲೀಕನಿಗೆ ಈ ಮದುವೆಯ ಬಗ್ಗೆ ಮಾಹಿತಿಯನ್ನೇ ನೀಡಿರಲಿಲ್ಲ.
ಈ ಅದ್ಧೂರಿ ಕಾರ್ಯಕ್ರಮವನ್ನ ನೋಡಿ ಶಾಕ್ಗೊಳಗಾದ ಎಸ್ಟೇಟ್ ಮಾಲೀಕ ಫಿಂಕೆಲ್ ಪೊಲೀಸರಿಗೆ ಕರೆ ಮಾಡಿದ್ದಾರೆ. ನನ್ನ ಜಾಗವನ್ನ ಯಾರೋ ಅತಿಕ್ರಮಣ ಮಾಡಿದ್ದಾರೆ. ಅಲ್ಲದೇ ಅವರು ನನಗೆ ಹಿಂಸೆಯನ್ನ ನೀಡುತ್ತಲೇ ಇದ್ದಾರೆ. ದೇವರ ಪ್ಲಾನ್ನಂತೆ ಇಲ್ಲಿ ಮದುವೆ ಮಾಡುತ್ತಿದ್ದೇವೆ ಎಂದು ಹೇಳುತ್ತಿದ್ದಾರೆ. ಇಲ್ಲಿ ಏನು ನಡೀತಾ ಇದೆ ಅನ್ನೋದೇ ನನಗೆ ತಿಳಿದಿಲ್ಲ. ನನಗೆ ಈ ಕಾರ್ಯಕ್ರಮವನ್ನ ಬಂದ್ ಮಾಡಿಸಬೇಕು ಅಷ್ಟೇ. ಅವರು ನನ್ನ ಆಸ್ತಿಯ ಮೇಲೆ ಕುಳಿತಿದ್ದಾರೆ ಎಂದು ಪೊಲೀಸರಿಗೆ ದೂರನ್ನ ನೀಡಿದ್ದಾರೆ.
ಕೂಡಲೇ ಸ್ಥಳಕ್ಕೆ ಇಬ್ಬರು ಪೊಲೀಸ್ ಅಧಿಕಾರಿಗಳು ಆಗಮಿಸಿದ್ದಾರೆ. ಅಲ್ಲದೇ ಮದುವೆಗೆಂದು ನೆರೆದವರಿಗೆ ಅಲ್ಲಿಂದ ಜಾಗ ಖಾಲಿ ಮಾಡುವಂತೆ ಹೇಳಿದ್ದಾರೆ. ಹಾಗೂ ಈ ಘಟನೆ ಸಂಬಂಧ ದಂಪತಿಗೆ ಯಾವುದೇ ದಂಡವನ್ನ ಹಾಕಿಲ್ಲ.
ಫಿಂಕೆಲ್ ಎರಡು ವರ್ಷಗಳಿಂದ ಈ ಭವನವನ್ನ ಮಾರಾಟ ಮಾಡಲು ಯತ್ನಿಸುತ್ತಿದ್ದರು ಹಾಗೂ ಈ ಎಸ್ಟೇಟ್ಗೆ 5.7 ಮಿಲಿಯನ್ ಡಾಲರ್ ನಿಗದಿ ಮಾಡಿದ್ದಾರೆ. ಕೆಲ ತಿಂಗಳ ಹಿಂದೆ ವಿಲ್ಸನ್ ಕೂಡ ಸಂಭಾವ್ಯ ಖರೀದಿದಾರರಾಗಿ ಈ ಎಸ್ಟೇಟ್ಗೆ ಬಂದಿದ್ದ. ಈ ವೇಳೆ ಈ ಐಶಾರಾಮಿ ಎಸ್ಟೇಟ್ನ್ನು ನೋಡಿದ್ದರು. ಇಲ್ಲಿ ಮದುವೆಗೆ ಅನುಮತಿಯನ್ನೇ ಪಡೆಯದ ಈ ದಂಪತಿ ಆಮಂತ್ರಣ ಪತ್ರಿಕೆಯಲ್ಲಿ ಈ ಭವನದ ವಿಳಾಸವನ್ನ ಮುದ್ರಿಸಿದ್ದಾರೆ.
Loading ...