ಶಿಶ್ನದ ಆಕಾರದಲ್ಲಿ ದೀಪಾಲಂಕಾರ ಮಾಡಿಸಿ ಮುಜುಗರಕ್ಕೀಡಾದ ಮೇಯರ್..!

ಬೆಲ್ಜಿಯಂನ ಡೆನ್​​ಬರ್ಗ್ ಪುರಸಭೆ ಮೇಯರ್​ ಕ್ರಿಸ್​ಮಸ್​ ವಿಶೇಷವಾಗಿ ಇಡೀ ನಗರವನ್ನ ದೀಪದಿಂದ ಅಲಂಕಾರ ಮಾಡಲು ಹೋಗಿ ಯಡವಟ್ಟು ಮಾಡಿದ್ದಾರೆ.

ಪುರಸಭೆ ಕ್ರಿಸ್​ಮಸ್​ ವಿಶೇಷವಾಗಿ ಮೇಣದ ಬತ್ತಿ ಆಕೃತಿಯಲ್ಲಿ ನಗರವನ್ನ ಸಿಂಗಾರ ಮಾಡುವ ಉದ್ದೇಶ ಹೊಂದಿತ್ತು. ಆದರೆ ಅದರಂತೆ ತಾಂತ್ರಿಕ ವಿಭಾಗ ನಗರದಾದ್ಯಂತ ದೀಪಗಳನ್ನ ಅಲಂಕರಿಸಿದೆ. ಕಂಬದ ಮೇಲ್ಭಾಗದಲ್ಲಿ ಜ್ವಾಲೆ ಕಾಣಬೇಕೆಂಬ ಉದ್ದೇಶದಿಂದ ನೀಲಿ ಬಣ್ಣದ ದೀಪದಿಂದ ಅಲಂಕರಿಸಲಾಗಿತ್ತು, ಆದರೆ ಇದು ಕ್ಯಾಂಡಲ್​ನಂತೆ ಕಾಣುವ ಬದಲಾಗಿ ಪುರುಷರ ಶಿಶ್ನದಂತೆ ಭಾಸವಾಗುತ್ತಿದೆ.

ಸ್ಥಳೀಯರಿಗೆ ಈ ವಿಚಾರ ಗೊತ್ತಾದ ಬಳಿಕ ಮೇಯರ್​ವರೆಗೂ ವಿಷಯ ಮುಟ್ಟಿಸಲಾಯ್ತು. ಈ ವಿಚಾರವಾಗಿ ಪ್ರತಿಕ್ರಿಯಿಸಿದ ಮೇಯರ್​ ಆಂಥೋನಿ ಡುಮಾರೆ. ಉದ್ದೇಶಪೂರ್ವಕವಾಗಿ ಈ ರೀತಿಯ ಆಕೃತಿಯನ್ನ ನಿರ್ಮಿಸಿಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ.

ಕ್ರಿಸ್​ಮಸ್​​ ಹಬ್ಬಕ್ಕಾಗಿ ನಗರವನ್ನ ಸಿಂಗಾರ ಮಾಡಬೇಕು ಎಂದುಕೊಂಡಿದ್ದ ನಾವು ಶಿಶ್ನದ ಆಕಾರದ ದೀಪ ತಯಾರಿಸಬೇಕೆಂಬ ಉದ್ದೇಶ ಹೊಂದಿರಲಿಲ್ಲ. ಬೆಳಗ್ಗೆ ನಾನು ಈ ದೀಪವನ್ನ ನೋಡಿದ್ದಾಗ ನನಗಿದು ಅನುಭವಕ್ಕೆ ಬಂದಿರಲಿಲ್ಲ. ರಾತ್ರಿ ದೀಪದ ಅಲಂಕಾರ ನೋಡುತ್ತಿದ್ದಾಗ ಈ ಪ್ರಮಾದ ನನ್ನ ಗಮನಕ್ಕೆ ಬಂದಿದೆ ಅಂತಾ ಹೇಳಿದ್ರು.

ಕೊರೊನಾ ವೈರಸ್​​ನಿಂದಾಗಿ ಜನರು ನಗೋದನ್ನೇ ಮರೆತುಬಿಟ್ಟಿದ್ದಾರೆ. ಇದೀಗ ಈ ದೀಪಗಳ ವಿಚಿತ್ರ ಅಲಂಕಾರವನ್ನ ನೋಡಿಯಾದರೂ ಜನ ತಮಾಷೆ ಮಾಡಿಕೊಂಡು ನಗಲಿ. ಹೀಗಾಗಿ ಈ ಅಲಂಕಾರವನ್ನ ಬದಲಾವಣೆ ಮಾಡಲ್ಲ ಎಂದು ಹೇಳಿದ್ದಾರೆ.