ಜನರ ಸಮೇತ ಬಾಲ್ಕನಿ ಕುಸಿದ ಬೆಚ್ಚಿಬೀಳಿಸುವ ವಿಡಿಯೊ ವೈರಲ್

ಕ್ಯಾಲಿಫೋರ್ನಿಯಾದ ಮಾಲಿಬುವಿನಲ್ಲಿರುವ ಒಂದು ಮನೆಯಲ್ಲಿ ಪಾರ್ಟಿ ನಡೆಯುತ್ತಿದ್ದ ವೇಳೆ ಅತಿಥಿಗಳೆಲ್ಲ ನಿಂತಿದ್ದ ಬಾಲ್ಕನಿ, ಕೆಳಗಿನ ಬಂಡೆಗಳ ಮೇಲೆ ಕುಸಿದು ಬಿದ್ದಿದೆ.

ಕುಸಿತದಿಂದಾಗಿ ಹಲವರು ಗಾಯಗೊಂಡಿದ್ದಾರೆ, ಇಬ್ಬರು ಗಂಭೀರ ಗಾಯಗಳಿಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದರು. ಅದೃಷ್ಟವಶಾತ್, ಘಟನೆಯಲ್ಲಿ ಯಾವುದೇ ಜೀವಹಾನಿ ಆಗಿಲ್ಲ ಎಂದು ವರದಿ ತಿಳಿಸಿದೆ.

ಸಿಸಿ ಟಿವಿ ದೃಶ್ಯಾವಳಿಯಲ್ಲಿರುವಂತೆ, ದೊಡ್ಡ ಗುಂಪು ಬಾಲ್ಕನಿಯಲ್ಲಿ ನಿಂತಿರುವುದು ಮತ್ತು ಇದ್ದಕ್ಕಿದ್ದಂತೆ ಬಾಲ್ಕನಿ ಒಡೆದು ಹಲವಾರು ಅಡಿ ಕೆಳಗೆ ಬೀಳುವುದು ಕಾಣಿಸುತ್ತದೆ.

ಓಯೋ ನೌಕರರಿಗೆ ಖುಷಿ ಸುದ್ದಿ: ವಾರದಲ್ಲಿ ಸಿಗ್ತಿದೆ ಎರಡು ರಜೆ

ಪ್ರತ್ಯಕ್ಷದರ್ಶಿಯೊಬ್ಬರ ಪ್ರಕಾರ, ಬಾಲ್ಕನಿ ಎತ್ತರದ ಮಹಡಿಯಲ್ಲಿದ್ದರೆ ಈ ಘಟನೆ ತುಂಬಾ ಕೆಟ್ಟದಾಗಿರುತ್ತಿತ್ತು. ಬಾಲ್ಕನಿ ಕುಸಿದಾಗ ಹದಿನೈದು ಮಂದಿ ಬಾಲ್ಕನಿಯಲ್ಲಿದ್ದರಂತೆ.

ಬಾಲ್ಕನಿಯಲ್ಲಿನ ಭಗ್ನಾವಶೇಷ ಪರಿಶೀಲಿಸಿದ ಅಗ್ನಿಶಾಮಕ ಇಲಾಖೆ ಅಧಿಕಾರಿಗಳು ಈ ಮನೆ ವಾಸಯೋಗ್ಯವಲ್ಲವೆಂದು ಘೋಷಿಸಿದರು.

ಕರೊನಾ ಸಾಂಕ್ರಾಮಿಕ‌ ರೋಗ ಹರಡುತ್ತಿರುವ ಸಂದರ್ಭದಲ್ಲಿ 15 ಜನ‌ ಒಂದೇ ಕಡೆ ಏನು ಮಾಡುತ್ತಿದ್ದರು ಎಂಬ ಪ್ರಶ್ನೆ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಯಾಗುತ್ತಿದೆ.