ಗೂಗಲ್ ಮ್ಯಾಪ್ ಅಪ್ಲಿಕೇಶನ್ನ್ನು ಬಹುತೇಕ ಎಲ್ಲರೂ ಬಳಕೆ ಮಾಡುತ್ತಾರೆ. ಗೊತ್ತಿರದ ಸ್ಥಳಗಳಿಗೆ ಭೇಟಿ ನೀಡಲು ಈ ಅಪ್ಲಿಕೇಶನ್ ತುಂಬಾನೇ ಸಹಕಾರಿ. 360 ಡಿಗ್ರಿ ಕ್ಯಾಮರಾದ ಸಹಾಯದಿಂದ ಈ ಅಪ್ಲಿಕೇಶನ್ ಮೂಲಕ ನೀವು ಟ್ರಾಫಿಕ್ ಸಿಗ್ನಲ್, ಲ್ಯಾಂಪ್ ಪೋಸ್ಟ್ ಹೀಗೆ ಎಲ್ಲವನ್ನ ನೋಡಬಹುದಾಗಿದೆ.
ಕೆಲವೊಮ್ಮೆ ಈ ಅಪ್ಲಿಕೇಶನ್ನಲ್ಲಿ ಸೆರೆಯಾಗುವ ಫೋಟೋಗಳು ನಂಬಲು ಆಗದೇ ಇರುವ ರೀತಿಯಲ್ಲಿ ಇರುತ್ತೆ. ಇಂತಹ ಕಾರಣಗಳಿಗಾಗಿ ಸಾಕಷ್ಟು ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಈ ಸಾಲಿಗೆ ಇದೀಗ ಇಂತದ್ದೇ ಇನ್ನೊಂದು ಫೋಟೋ ಸೇರಿದೆ. ಗೂಗಲ್ ಮ್ಯಾಪ್ನ ಈ ಫೋಟೋದಲ್ಲಿ ನಿಮಗೆ ಹೊಳೆಯುವ ಮನೆಗಳು ಕಾಣಿಸುತ್ತಿರಬಹುದು. ಇದನ್ನ ಅನೇಕರು ಏಲಿಯನ್ ಲೇಸರ್ ಎಂದು ಕರೆದಿದ್ದಾರೆ. ಈ ಫೋಟೋವನ್ನ ರೆಡಿಟ್ನಲ್ಲಿ ಶೇರ್ ಮಾಡಲಾಗಿದೆ. ಅಲ್ಲದೇ ಇದೊಂದು ದ್ವೀಪದಲ್ಲಿ ತೆಗೆದ ಫೋಟೊ ಎಂದು ಹೇಳಲಾಗಿದೆ.
ನಾನು ಈ ಹೊಳೆಯುವ ಮನೆಗಳನ್ನ ಪತ್ತೆ ಮಾಡಿದ್ದೇನೆ (ಇದನ್ನ ಹೊರತುಪಡಿಸಿ ಬೇರೆ ಮನೆಗಳು ಇಷ್ಟೊಂದು ಪ್ರಕಾಶಮಾನವಾಗಿ ಹೊಳೆಯುತ್ತಿಲ್ಲ). ಈ ಮನೆ ಯಾಕೆ ಇಷ್ಟೊಂದು ಹೊಳೆಯುತ್ತಿದೆ ಎಂದು ಯಾರಿಗಾದರೂ ಐಡಿಯಾ ಇದೆಯೇ..? ಎಂದು ಮೂಲ ಪೋಸ್ಟ್ನಲ್ಲಿ ಬರೆಯಲಾಗಿದೆ.
ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು ಅನೇಕರು ಕಮೆಂಟ್ನಲ್ಲಿ ಇದು ಏಲಿಯನ್ ಲೇಸರ್ ಎಂದು ಹೇಳ್ತಿದ್ದಾರೆ. ಇನ್ನು ಕೆಲವರು ಇದು ಸೂರ್ಯನ ಬೆಳಕಿನ ಪ್ರತಿಫಲನವಾಗಿದೆ ಎಂದು ಹೇಳಿದ್ದಾರೆ.
Loading ...