ಮೊದಲ ಬಾರಿಗೆ ಈಜಲು ಕಲಿಯುತ್ತಿರುವ ಪೆಂಗ್ವಿನ್ ಮರಿಗಳ ವಿಡಿಯೋ ವೈರಲ್

ಹೊಸ ಲೋಕಕ್ಕೆ ಕಾಲಿಡುವ ಪುಟಾಣಿಗಳು ಜೀವನದಲ್ಲಿ ಕಲಿಯುವ ಪ್ರತಿಯೊಂದು ಪಾಠದ ಮೊದಲ ಅಧ್ಯಾಯವೂ ಸ್ಮರಣೀಯ. ಅದು ಮನುಷ್ಯರೇ ಆಗಲೀ, ಪ್ರಾಣಿಗಳೇ ಆಗಲಿ, ಕಲಿಕೆಯ ಹಂತವೇ ಅದ್ಭುತವಾದದ್ದು.

ಷಿಕಾಗೊದ ಶೆಡ್ಡ್‌ ಅಕ್ವೇರಿಯಮ್‌ನಲ್ಲಿರುವ ಪುಟಾಣಿ ಪೆಂಗ್ವಿನ್‌ಗಳ ಗುಂಪೊಂದು ಮೊದಲ ಬಾರಿಗೆ ಈಜು ಕಲಿಯಲು ನೀರಿಗೆ ಇಳಿದಿರುವ ವಿಡಿಯೋವೊಂದು ನೆಟ್ಟಿಗರ ಕಣ್ಮನ ಸೆಳೆಯುತ್ತಿದೆ.

ತಮ್ಮ ಒಂದೊಂದು ಹೆಜ್ಜೆಯನ್ನೂ ಬಹಳ ಲೆಕ್ಕಾಚಾರ ಹಾಕಿಕೊಂಡು ಈಜುತ್ತಿರುವ ಈ ಮುದ್ದು ಮರಿಗಳನ್ನು ಕಂಡಾಗ ಥೇಟ್‌ ಒಂದು ವರ್ಷದ ಮಕ್ಕಳು ನಡೆಯುವುದನ್ನು ಕಲಿಯುವಂತೆ ಕಾಣುತ್ತದೆ.

ನಾಲ್ಕು ಮುದ್ದು ಮರಿಗಳು ಈಜಲು ಕಲಿಯುತ್ತಿದ್ದು, ಒಟ್ಟಿಗೇ ಸ್ವಚ್ಛಂದವಾಗಿ ನೀರಿನಲ್ಲಿ ಅಡ್ಡಾಡುತ್ತಿರುವುದನ್ನು ಈ ವಿಡಿಯೋದಲ್ಲಿ ನೋಡಬಹುದಾಗಿದೆ.