ಬೇಬಿ ನ್ಯಾನ್ಸಿ ಎಂಬ ಹೆಸರಿನ ಕಪ್ಪು ವರ್ಣದ ಗೊಂಬೆ ನ್ಯಾಷನಲ್ ಟಾಯ್ ಹಾಲ್ ಆಫ್ ಫೇಮ್ಗೆ ಕಾಲಿಟ್ಟಿದೆ. ಈ ಮೂಲಕ ಅಮೇರಿಕ ಹಾಲ್ ಆಫ್ ಫೇಮ್ಗೆ ಸೇರಿದ ಮೊದಲ ಕಪ್ಪು ಬಣ್ಣದ ಗೊಂಬೆ ಎಂಬ ಖ್ಯಾತಿಗೆ ಪಾತ್ರವಾಗಿದೆ.
ಕಪ್ಪು ಬಣ್ಣದ ಚರ್ಮ ಹೊಂದಿರುವ ಈ ಗೊಂಬೆಯನ್ನ 1968ರಲ್ಲಿ ಶಿಂಡಾನಾ ಟಾಯ್ಸ್ ಎಂಬ ಕಂಪನಿ ನಿರ್ಮಾಣ ಮಾಡಿತು. ಬಿಳಿ ಚರ್ಮ ಮಾತ್ರ ಸೌಂದರ್ಯದ ಸಂಕೇತ ಎಂಬುದನ್ನ ಪ್ರಶ್ನೆ ಮಾಡುವ ಉದ್ದೇಶದಿಂದ ಈ ಆಟಿಕೆಯನ್ನ ನಿರ್ಮಾಣ ಮಾಡಲಾಗಿತ್ತು.
ಗೊಂಬೆಗಳು ಅಂದರೆ ಸಾಕು. ಶ್ವೇತ ವರ್ಣ, ತೆಳ್ಳಗಿನ ದೇಹ, ನೇರ ಕೂದಲು ಎಂಬ ಕಲ್ಪನೆ ಎಲ್ಲರ ಕಣ್ಣ ಮುಂದೆ ಬರುತ್ತೆ. ಆದರೆ ಈ ಅಭಿಪ್ರಾಯಕ್ಕೆ ಸವಾಲಾಗಿ ಈ ವಿಭಿನ್ನ ಬಣ್ಣದ ಗೊಂಬೆಯನ್ನ ನಿರ್ಮಾಣ ಮಾಡಲಾಗಿತ್ತು. ಇದೀಗ ಹಾಲ್ ಆಫ್ ಫೇಮ್ ಪಟ್ಟಿಯಲ್ಲೂ ಸೇರುವ ಮೂಲಕ ಈ ಬೇಬಿ ನ್ಯಾನ್ಸಿ ಸಾಧನೆ ಮಾಡಿದೆ.
ಬೇಬಿ ನ್ಯಾನ್ಸಿ ಜೊತೆಗೆ ಜೆಂಗಾ, ಸೈಡ್ವಾಕ್ ಚಾಕ್ ಹಾಗೂ ಇನ್ನೂ ಅನೇಕ ಆಟಿಕೆಗಳು ಈ ಸುಪ್ರಸಿದ್ಧ ಪಟ್ಟಿಯ ಸಾಲಿನಲ್ಲಿ ಸ್ಥಾನ ಪಡೆದಿದೆ.
Loading ...