ಕೈಕೊಟ್ಟ ಪ್ರೇಯಸಿ ಮೇಲೆ ಸೇಡು ತೀರಿಸಿಕೊಳ್ಳಲು ಭಗ್ನಪ್ರೇಮಿ ಮಾಡಿದ್ದೇನು ಗೊತ್ತಾ…?

ಸ್ಟಾರ್‌ ವಾರ್ಸ್ ಅಭಿಮಾನಿಗಳಿಗೆ ಚಿರಪರಿಚಿತನಾದ ಚೀವ್ಬಾಕಾ ಪಾತ್ರಧಾರಿಗೆ ಇಂಗ್ಲಿಷ್ ಬರದೇ ಇದ್ದರೂ ಸಹ ತನ್ನ ವಿಶಿಷ್ಟವಾದ ಶೈಲಿಯಲ್ಲಿ ಸಂಪರ್ಕ ಸಾಧಿಸುವ ಮೂಲಕ ಆತ ಬಹುದೊಡ್ಡ ಸೆಲೆಬ್ರಿಟಿಗಳಲ್ಲಿ ಒಬ್ಬನಾಗಿಬಿಟ್ಟಿದ್ದಾನೆ. 1977ರಲ್ಲಿ ತೆರೆಕಂಡ ‘Star Wars: A New Hope’ ಕಾಲದಿಂದಲೂ ಈತ ದೊಡ್ಡ ಸ್ಟಾರ್‌.

ಇದೀಗ ಬ್ರೇಕಪ್ ಆದ ಬಾಯ್‌ಫ್ರೆಂಡ್ ಒಬ್ಬ ತನ್ನ ಮಾಜಿ ಗರ್ಲ್ ಫ್ರೆಂಡ್ ಮೇಲೆ ಪ್ರತೀಕಾರ ತೀರಿಸಿಕೊಳ್ಳಲು ಈ ಚೀವ್ಬಾಕಾನಾ ಐಕಾನಿಕ್ ಡೈಲಾಗ್‌ ಗಳನ್ನು ಬಳಸುತ್ತಿದ್ದಾನೆ. ‘Chewbacca Roar Contest’ ಆರಂಭಿಸುವ ಮೂಲಕ ಆಕೆಯ ಗಮನ ಸೆಳೆಯಲೆಂದು ಸಾರ್ವಜನಿಕರಿಗೆ ಆ ಪಾತ್ರಧಾರಿಯ ಡೈಲಾಗ್‌ಗಳನ್ನು ಹೇಳಲು ಪ್ರೇರೇಪಿಸುತ್ತಿದ್ದಾನೆ ಈತ.

ತನ್ನ ಹಳೆ ಪ್ರೇಯಸಿಯ ದೂರವಾಣಿ ಸಂಖ್ಯೆಯನ್ನು ಸಾರ್ವಜನಿಕ ಸ್ಥಳಗಳಲ್ಲಿ ಪೋಸ್ಟರ್‌ಗಳಲ್ಲಿ ಹಾಕಿ, ಚೀವ್ಬಾಕಾನ ಥರ ಆಕೆಗೆ ಕರೆ ಮಾಡಿ ಮಾತನಾಡಿ, ಉತ್ತಮ ಪ್ರದರ್ಶನ ನೀಡಿದವರಿಗೆ $100 ಬಹುಮಾನ ಕೊಡುವುದಾಗಿ ಈತ ಹೇಳಿದ್ದಾನೆ. ಇದರ ಪರಿಣಾಮ ಆತನ ಗರ್ಲ್‌ಫ್ರೆಂಡ್‌ಗೆ ಪ್ರತಿನಿತ್ಯ ಡಝನ್‌ಗಟ್ಟಲೇ ಫೋನ್ ‌ಕಾಲ್‌ಗಳು ಬರುತ್ತಿದ್ದು, ಚಿತ್ರವಿಚಿತ್ರ ಸೌಂಡ್‌ಗಳನ್ನು ಕೇಳಿ ಆಕೆ ಹೈರಾಣಾಗಿಬಿಟ್ಟಿದ್ದಾಳೆ.