ಅಪರಿಚಿತರ ಮಾತು ನಂಬಿ ಬರೋಬ್ಬರಿ 241 ಕೋಟಿ ರೂಪಾಯಿ ಕಳೆದುಕೊಂಡ ವೃದ್ಧೆ..!

ಸೈಬರ್ ಕಳ್ಳರ ವಂಚನೆಗೆ ಬಲಿಯಾದ 90 ವರ್ಷದ ವೃದ್ಧೆ ಬರೋಬ್ಬರಿ 241 ಕೋಟಿ ರೂಪಾಯಿಗಳನ್ನ ಕಳೆದುಕೊಂಡಿದ್ದಾಳೆ ಎಂದು ಚೀನಾದ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಇದು ಈ ನಗರದಲ್ಲಿ ಇಲ್ಲಿಯವರೆಗೆ ನಡೆದ ಅತ್ಯಂತ ದೊಡ್ಡ ಪ್ರಮಾಣದ ಫೋನ್​ ಹಗರಣವಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.

ಮ್ಯಾನ್ಶನ್​ನಲ್ಲಿ ವಾಸಿಸುತ್ತಿದ್ದ ವೃದ್ಧೆಯನ್ನ ಟಾರ್ಗೆಟ್​ ಮಾಡಿದ ಕ್ರಿಮಿನಲ್​ಗಳು ಆಕೆಯ ಬಳಿ ಚೀನಾ ಭದ್ರತಾ ಅಧಿಕಾರಿಗಳೆಂದು ಹೇಳಿಕೊಂಡಿದ್ದಾರೆ. ನಿಮ್ಮ ಗುರುತನ್ನ ದೊಡ್ಡ ಅಪರಾಧ ಚಟುವಟಿಕೆಗೆ ಬಳಸಿಕೊಳ್ಳಲಾಗ್ತಿದೆ ಎಂದು ವೃದ್ಧೆಗೆ ಕ್ರಿಮಿನಲ್​ಗಳು ಸುಳ್ಳು ಹೇಳಿದ್ದಾರೆ.

ಇದಕ್ಕಾಗಿ ನೀವು ಈ ಕೂಡಲೇ ಹಣವನ್ನ ವರ್ಗಾಯಿಸಬೇಕು ಎಂದು ಆಕೆಗೆ ಹೇಳಲಾಗಿದೆ. ಇದರಿಂದ ಹೆದರಿದ ವೃದ್ಧೆ ಬರೋಬ್ಬರಿ 241 ಕೋಟಿ ರೂಪಾಯಿಯನ್ನ ಕಳೆದುಕೊಂಡಿದ್ದಾಳೆ. ಈ ಫೋನ್​ ಕಾಲ್​ಗಳ ಬಗ್ಗೆ ಅನುಮಾನ ವ್ಯಕ್ತಪಡಿಸಿದ್ದ ಮನೆಗೆಲಸದವರು ವೃದ್ಧೆಯ ಮಗಳಿಗೆ ಫೋನಾಯಿಸಿದ್ದು ಬಳಿಕ ಈ ಹಗರಣ ಬೆಳಕಿಗೆ ಬಂದಿದೆ.

ವಿಶ್ವದ ಅತಿಹೆಚ್ಚು ಕೋಟ್ಯಾಧಿಪತಿಗಳನ್ನ ಹಾಂ​ಕಾಂಗ್​ ನಗರ ಹೊಂದಿದೆ. ಇದರಲ್ಲಿ ವೃದ್ಧರನ್ನ ಹೆಚ್ಚಾಗಿ ಕ್ರಿಮಿನಲ್​ಗಳು ಗುರಿಯಾಗಿಸುತ್ತಾರೆ.