ವೃದ್ದೆ ಪಾಲಿಗೆ ವರದಾನವಾಯ್ತು ತಪ್ಪಾಗಿ ಕಳಿಸಿದ ಸಂದೇಶ

ಪತಿಯ ಶ್ರದ್ದಾಂಜಲಿ ಕಾರ್ಯಕ್ರಮಕ್ಕೆ ತಪ್ಪಾಗಿ ಆಹ್ವಾನ ನೀಡಿದ ವ್ಯಕ್ತಿಯೇ ವೃದ್ಧೆಗೆ ಅತ್ಯುತ್ತಮ ಸ್ನೇಹಿತನಾಗಿ ಬದಲಾದ ವಿಶೇಷ ಘಟನೆ ಅಮೆರಿಕದಲ್ಲಿ ನಡೆದಿದೆ.

2016ರಲ್ಲಿ ವಾಂಡಾ ಡೆಂಚ್​ ಎಂಬ ವೃದ್ಧೆ ತನ್ನ ಮೊಮ್ಮಗನಿಗೆ ಕಾರ್ಯಕ್ರಮಕ್ಕೆ ಆಹ್ವಾನ ನೀಡಲು ಹೋಗಿ ತಪ್ಪಾದ ನಂಬರ್​ಗೆ ಸಂದೇಶ ಕಳಿಸಿದ್ದರು. ಈ ಮೆಸೇಜ್​​ 17 ವರ್ಷ ವಯಸ್ಸಿನವನಾಗಿದ್ದ ಜಮಾಲ್​ ಹಿಂಟೊಂನ್​ ಅವರ ಮೊಬೈಲ್​ಗೆ ಹೋಗಿತ್ತು.

ಅಲ್ಲಿಂದ ಹಿಂಟೋನ್​ ಪ್ರತಿ ವರ್ಷ ವಾಂಡಾ ಮನೆಯ ಕಾರ್ಯಕ್ರಮಕ್ಕೆ ಹಾಜರಾಗುತ್ತಿದ್ದಾರೆ. ತಮ್ಮ 5 ವರ್ಷದ ಸ್ನೇಹದ ಸಂಭ್ರಮವನ್ನ ಸೋಶಿಯಲ್​ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದು ನೆಟ್ಟಿಗರು ಫುಲ್​ ಖುಶ್​ ಆಗಿದ್ದಾರೆ.