ಎಚ್ ಐ ವಿ ರೋಗಿಗಳಿಗೆ ಖುಷಿ ಸುದ್ದಿಯೊಂದು ಸಿಕ್ಕಿದೆ. ವಿಶ್ವದಲ್ಲಿ ಇದೇ ಮೊದಲ ಬಾರಿ ಯಾವುದೇ ಚಿಕಿತ್ಸೆಯಿಲ್ಲದೆ ಎಚ್‌ಐವಿಯಿಂದ ವ್ಯಕ್ತಿಯೊಬ್ಬ ಗುಣಮುಖನಾಗಿದ್ದಾನೆ. ವ್ಯಕ್ತಿಯ ರೋಗ ನಿರೋಧಕ ಶಕ್ತಿ ಆತನ ಗುಣಮುಖನಾಗಲು ಕಾರಣವಾಗಿದೆ.
ವಿಜ್ಞಾನಿಗಳು ಈ ಬಗ್ಗೆ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. ಇದನ್ನು ಎಚ್‌ಐವಿ ಚಿಕಿತ್ಸೆಯ ಪ್ರಮುಖ ಕೊಂಡಿಯಾಗಿ ಪರಿಗಣಿಸುತ್ತಿದ್ದಾರೆ. ಈ ರೋಗಿಯ ದೇಹದಲ್ಲಿ ಎಚ್‌ಐವಿ ಸಕ್ರಿಯ ವೈರಸ್ ಇಲ್ಲ. ಇದರರ್ಥ ಎಚ್‌ಐವಿ ಸೋಂಕಿಗೆ ಒಳಗಾಗಿದ್ದ ವ್ಯಕ್ತಿ ಈಗ ಸ್ವಯಂ ಗುಣಮುಖನಾಗಿದ್ದಾನೆ. ಈ ಪ್ರಕರಣ ಬೆಳಕಿಗೆ ಬಂದ ನಂತ್ರ ವೈದ್ಯರು ಆತನ ದೇಹದಲ್ಲಿರುವ 150 ಕೋಟಿ ಕೋಶಗಳನ್ನು ಪರೀಕ್ಷಿಸಿದರು. ಈ ರೋಗಿಗೆ ಇಸಿ 2 ಎಂದು ಹೆಸರಿಡಲಾಗಿದೆ.
ಈವರೆಗೆ ವಿಶ್ವದಲ್ಲಿ ಬೊನ್ ಮ್ಯಾರೋ ಚಿಕಿತ್ಸೆಯಿಂದ ಇಬ್ಬರು ಗುಣಮುಖರಾಗಿದ್ದಾರೆ. ಅವ್ರಿಗೆ ವಾಪಸ್ ಎಚ್ ಐ ವಿ ಕಾಣಿಸಿಕೊಂಡಿಲ್ಲ. ಆದ್ರೆ ಯಾವುದೇ ಚಿಕಿತ್ಸೆಯಿಲ್ಲದೆ ದೇಹದ ರೋಗ ನಿರೋಧಕ ಶಕ್ತಿಯಿಂದ ಎಚ್ ಐ ವಿ ಗುಣಮುಖವಾಗಿದ್ದು ಇದೇ ಮೊದಲು.
Loading ...