ಇಂದಿನಿಂದ ಈ ವಿಮಾ ಪ್ರೀಮಿಯಂ ದರಗಳಲ್ಲಿ ಹೆಚ್ಚಳ

ಪ್ರಧಾನ ಮಂತ್ರಿ ಜೀವನ ಜ್ಯೋತಿ ವಿಮಾ ಯೋಜನೆ (PMJJBY) ಮತ್ತು ಪ್ರಧಾನ ಮಂತ್ರಿ ಸುರಕ್ಷಾ ಬಿಮಾ ಯೋಜನೆ (PMSBY) ಗಳ ಪ್ರೀಮಿಯಂ ದರ ಇಂದಿನಿಂದ ಹೆಚ್ಚಾಗಲಿವೆ.

ಏಳು ವರ್ಷಗಳ ಹಿಂದೆ 2015ರಲ್ಲಿ ಎರಡೂ ಯೋಜನೆಗಳನ್ನು ಪ್ರಾರಂಭಿಸಿದ ನಂತರ ಇದೇ ಮೊದಲ ಸಲ ಪ್ರೀಮಿಯಂ ದರಗಳಲ್ಲಿ ಪರಿಷ್ಕರಣೆ ಮಾಡಲಾಗಿದೆ ಎಂದು ಸರ್ಕಾರ ಹೇಳಿದೆ.

“ಯೋಜನೆಗಳ ದೀರ್ಘಾವಧಿಯ ಪ್ರತಿಕೂಲ ಕ್ಲೈಮ್‌ಗಳ ಅನುಭವದ ದೃಷ್ಟಿಯಿಂದ, ಪ್ರಧಾನ ಮಂತ್ರಿ ಜೀವನ್ ಜ್ಯೋತಿ ಬಿಮಾ ಯೋಜನೆ (PMJJBY) ಮತ್ತು ಪ್ರಧಾನ ಮಂತ್ರಿ ಸುರಕ್ಷಾ ಬಿಮಾ ಯೋಜನೆ (PMSBY), ಮತ್ತು ಅವುಗಳನ್ನು ಆರ್ಥಿಕವಾಗಿ ಲಾಭದಾಯಕವಾಗಿಸುವ ಸಲುವಾಗಿ, ಯೋಜನೆಗಳ ಪ್ರೀಮಿಯಂ ದರಗಳು PMJJBY ಅನ್ನು ರೂ. 330 ರಿಂದ ರೂ.436ಕ್ಕೆ ಮತ್ತು PMSBY ಅನ್ನು ರೂ. 12 ರಿಂದ ರೂ. 20 ಕ್ಕೆ ಪರಿಷ್ಕರಿಸುವ ತೀರ್ಮಾನ ತೆಗೆದುಕೊಳ್ಳಲಾಗಿದೆ” ಎಂದು ಅಧಿಕೃತ ಪ್ರಕಟಣೆ ತಿಳಿಸಿದೆ.

BIG NEWS: ರಾಜ್ಯಾದ್ಯಂತ 50 ಕಡೆಗಳಲ್ಲಿ ಏಕಕಾಲದಲ್ಲಿ IT ದಾಳಿ; ಉದ್ಯಮಿಗಳಿಗೆ ಬಿಗ್ ಶಾಕ್

ಯೋಜನೆಗಳ ಪ್ರಾರಂಭವಾದ 2015 ರಲ್ಲಿ ಮೂಲ ಅನುಮೋದನೆಯು ಪ್ರೀಮಿಯಂ ಮೊತ್ತದ ವಾರ್ಷಿಕ ಪರಿಶೀಲನೆಗೆ (ಪ್ರಧಾನ ಮಂತ್ರಿ ಸುರಕ್ಷಾ ಬಿಮಾ ಯೋಜನೆಗೆ ರೂ. 12 ಮತ್ತು ಪ್ರಧಾನ ಮಂತ್ರಿ ಜೀವನ ಜ್ಯೋತಿ ಬಿಮಾ ಯೋಜನೆಗೆ ರೂ. 330) ಆಧಾರಿತವಾಗಿದೆ ಎಂದು ಘೋಷಿಸಲಾಗಿತ್ತು. ಕಳೆದ ಏಳು ವರ್ಷಗಳಲ್ಲಿ ಪ್ರೀಮಿಯಂ ದರಗಳ ಯಾವುದೇ ಪರಿಷ್ಕರಣೆ ಮಾಡಲಾಗಿಲ್ಲ.

ಸ್ಕೀಮ್‌ಗಳ ಕ್ಲೈಮ್‌ ಪ್ರಮಾಣ ಹೆಚ್ಚಾಗಿದೆ. ಇದರ ಪರಿಶೀಲನೆಯ ನಂತರ ಪ್ರೀಮಿಯಂ ಪರಿಷ್ಕರಣೆ ಮಾಡಲಾಗಿದೆ. PMJJBY ಮತ್ತು PMSBY ಗೆ ಸಂಬಂಧಿಸಿ ಕ್ಲೈಮ್‌ಗಳ ಅನುಪಾತವು ಕಳೆದ ಮಾರ್ಚ್‌ ಅಂತ್ಯಕ್ಕೆ (ಪ್ರೀಮಿಯಂ ಗಳಿಸಿದ ಮೊತ್ತದ ಶೇಕಡಾವಾರು) ಕ್ರಮವಾಗಿ 145.24 % ಮತ್ತು 221.61%. ಅದೇ ರೀತಿ PMJJBY ಮತ್ತು PMSBY ಗೆ ಸಂಬಂಧಿಸಿದ ಸಂಯೋಜಿತ ಅನುಪಾತ (ಹಕ್ಕುಗಳ ಅನುಪಾತ ಮತ್ತು ವೆಚ್ಚದ ಅನುಪಾತಗಳ ಮೊತ್ತ) ಕ್ರಮವಾಗಿ 163.98 % ಮತ್ತು 254.71% ಆಗಿದೆ ಎಂದು ಐಆರ್‌ಡಿಎ ಮಾಹಿತಿ ನೀಡಿದೆ.