ಮುಖ್ಯಮಂತ್ರಿ ಮದುವೆ ಮೆನುವಿನಲ್ಲಿ ಏನೇನಿತ್ತು ಗೊತ್ತಾ ?

ಪಂಜಾಬ್​ ಮುಖ್ಯಮಂತ್ರಿ ಭಗವಂತ್​ ಮಾನ್​ ಎರಡು ದಿನಗಳ ಹಿಂದೆ ಎರಡನೇ ಮದುವೆಯಾದರು. ಹೆಚ್ಚು ಅಬ್ಬರವಿಲ್ಲದೇ ಆತ್ಮೀಯರು, ಕುಟುಂಬದ ಸಮ್ಮುಖದಲ್ಲಿ ವಿವಾಹವಾದರು.

ಎಎಪಿ ರಾಷ್ಟ್ರೀಯ ಸಂಚಾಲಕ, ದೆಹಲಿ ಸಿಎಂ ಅರವಿಂದ್​ ಕೇಜ್ರಿವಾಲ್​ ಸೇರಿದಂತೆ ಎಎಪಿಯ ಉನ್ನತ ನಾಯಕರು ಈ ಮದುವೆಗೆ ಸಾಕ್ಷಿಯಾದರು. ಭಾರತೀಯ ವಿವಾಹಗಳಲ್ಲಿ ಊಟಕ್ಕೆ ಪ್ರಾಧಾನ್ಯತೆ ಇದ್ದೇ ಇರುತ್ತದೆ. ಭಗವಂತ್​ ಮಾನ್​ ಮದುವೆಯಲ್ಲಿ ಕೂಡ ಹೀಗೇ ಆಗಿತ್ತು.

ಅವರ ಮದುವೆಯಲ್ಲಿ ಬಡಿಸಿದ ಆಹಾರ ಪದಾರ್ಥಗಳ ದೀರ್ಘವಾದ ಪಟ್ಟಿಯಲ್ಲಿ ಭಾರತೀಯ ಮತ್ತು ಇಟಾಲಿಯನ್​ ಪಾಕಪದ್ಧತಿಯ ಹಲವು ಪದಾರ್ಥಗಳನ್ನು ಒಳಗೊಂಡಿತ್ತು.

ವಿವಿಧ ರೀತಿಯ ಸಲಾಡ್​ಗಳು, ರುಚಿಕರವಾದ ಸಿಹಿತಿಂಡಿಗಳು, ಪನೀರ್ ಕಡಾಹಿ​, ವೆಜಿಟೇಬಲ್​ ಝಲ್ಫ್ರೇಜಿ, ಚನ್ನಾ ಮಸಾಲಾ, ತಂದೂರಿ ಕುಲ್ಚ, ದಾಲ್​ ಮಖಾನಿ ಮತ್ತು ನವರತನ್​ ಬಿರಿಯಾನಿಯಂತಹ ಆರು ರೀತಿಯ ಸಲಾಡ್​ಗಳನ್ನು ಒಳಗೊಂಡಿತ್ತು. ಮೂಂಗ್​ ದಾಲ್​ ಹಲ್ವಾ, ಶಾಹಿ ತುಕ್ರಾ, ಒಣ ಹಣ್ಣುಗಳ ಅಂಗೂರಿ, ರಸ್ಮಲೈ ಮತ್ತು ಇನ್ನೂ ಅನೇಕ ರುಚಿರುಚಿಯಾದ ತಿಂಡಿಗಳಿದ್ದವು.

ಅರವಿಂದ ಕೇಜ್ರಿವಾಲ್​ ಭಗವಂತ್​ ಮಾನ್​ ಅವರ ಮುಂದಿನ ಜೀವನ ಪಯಣಕ್ಕೆ ಶುಭ ಹಾರೈಸಿದರು. ವೃತ್ತಿಯಲ್ಲಿ ವೈದ್ಯರಾಗಿರುವ ಗುರುಪ್ರೀತ್​ ಕೌರ್​ ಅವರನ್ನು ಮಾನ್​ ವಿವಾಹವಾದರು.

2015ರಲ್ಲಿ ಮಾನ್​ ತಮ್ಮ ಮೊದಲ ಪತ್ನಿ ಇಂದರ್​ ಪ್ರೀತ್​ ಕೌರ್​ಗೆ ವಿಚ್ಛೇದನ ನೀಡಿದ್ದರು. ಅವರಿಗೆ ಇಬ್ಬರು ಮಕ್ಕಳಿದ್ದಾರೆ. ಮಗಳು ಸೀರತ್​ ಕೌರ್​ ಮಾನ್​ (21) ಮತ್ತು ಮಗ ದಿಲ್ಶನ್​ ಸಿಂಗ್​ ಮಾನ್​ (17). ಇಬ್ಬರೂ ಮಕ್ಕಳು ಮಾರ್ಚ್​ನಲ್ಲಿ ನಡೆದ ಮಾನ್​ ಅವರ ಪ್ರಮಾಣವಚನ ಸಮಾರಂಭದಲ್ಲಿ ಭಾಗವಹಿಸಿದ್ದರು.