ಕೊರೊನಾ ವೈರಸ್ನಿಂದ ಪ್ರಯಾಣಿಕರನ್ನು ಸುರಕ್ಷಿತವಾಗಿಡುವ ಸಲುವಾಗಿ ರೈಲು ಬೋಗಿಗಳ ಸ್ವಚ್ಚತೆ ಕಡೆಗೆ ಉತ್ತರ ರೈಲ್ವೆ ಇಲಾಖೆ ಹೆಚ್ಚಿನ ಪ್ರಾಶಸ್ತ್ಯ ನೀಡಿದೆ.
ರೈಲಿನ ಕೋಚ್ ಗಳ ಸ್ವಚ್ಛತೆಗಾಗಿ ರೋಬೋಟ್ ಗಳು ಹಾಗೂ ಯುವಿಸಿ ತಂತ್ರಜ್ಞಾನವನ್ನು ಬಳಸಿಕೊಳ್ಳಲಾಗುತ್ತಿದೆ. ಜುಲೈ ತಿಂಗಳಿನಿಂದ ಲಖ್ನೌ – ಶತಾಬ್ದಿ ವಿಶೇಷ ರೈಲಿನಲ್ಲಿ ಯುವಿಸಿ ತಂತ್ರಜ್ಞಾನ ಬಳಸಲಾಗುತ್ತಿದೆ ಎಂದು ರೈಲ್ವೆ ಇಲಾಖೆ ಮಾಹಿತಿ ನೀಡಿದೆ.
ಕೋವಿಡ್ ಸಂದರ್ಭದಲ್ಲಿ ಪ್ರಯಾಣಿಕರ ಸುರಕ್ಷತೆಯ ಕಡೆಗೆ ಹೆಚ್ಚಿನ ಗಮನ ನೀಡಲಾಗಿದ್ದು, ಉತ್ತರ ರೈಲ್ವೆ ಇಲಾಖೆಯು ಬೋಗಿಗಳನ್ನು ಸ್ವಚ್ಛಗೊಳಿಸಲು ಯುವಿಸಿ ತಂತ್ರಜ್ಞಾನವನ್ನು ಬಳಸುತ್ತಿದೆ ಎಂದು ಉತ್ತರ ರೈಲ್ವೆ ಜನರಲ್ ಮ್ಯಾನೇಜರ್ ಆಶುತೋಷ್ ಗಂಗಾಲ್ ಮಾಹಿತಿ ನೀಡಿದ್ರು. ಈ ಯಂತ್ರವನ್ನು ಬಳಸಿ ರಿಮೋಟ್ ಕಂಟ್ರೋಲ್ನ ಸಹಾಯದಿಂದ ಸಂಪೂರ್ಣ ರೈಲನ್ನು ಸೋಂಕುರಹಿತ ಮಾಡಬಹುದಾಗಿದೆ ಎಂದು ಅವರು ಹೇಳಿದ್ರು.
ಯುವಿಸಿ ತಂತ್ರಜ್ಞಾನವು ಸಂಪೂರ್ಣ ಸುರಕ್ಷಿತ ಹಾಗೂ ಬಳಕೆದಾರ ಸ್ನೇಹಿ ಆಗಿದೆ. ಯಂತ್ರ ಕಾರ್ಯ ನಿರ್ವಹಿಸುವ ವೇಳೆ ಮನುಷ್ಯರ ಸಹಾಯ ಬೇಕಾಗುವುದಿಲ್ಲ. ಮಷಿನ್ಗಳನ್ನು ಬಳಸಿ ಬೋಗಿಯನ್ನು ಸ್ವಚ್ಛ ಮಾಡುವುದು ಕೂಡ ಸುಲಭದ ಕೆಲಸವಾಗಿದೆ. ಈ ಪ್ರಯತ್ನಕ್ಕೆ ಪ್ರಯಾಣಿಕರಿಂದಲೂ ಉತ್ತಮ ಪ್ರತಿಕ್ರಿಯೆ ದೊರಕಿದೆ ಎಂದು ಗಂಗಾಲ್ ಹೇಳಿದ್ರು.
Loading ...