ಭಾರತ – ಪಾಕ್ ಟಿ20 ಪಂದ್ಯದ ನಂತರ ಅಭಿಮಾನಿಗಳ ‘ಲುಂಗಿ ಡ್ಯಾನ್ಸ್’ ಖದರ್

ಕೈಗಾರಿಕೋದ್ಯಮಿ ಆನಂದ್ ಮಹೀಂದ್ರಾ ಅವರು ತಮ್ಮ ಜಾಲತಾಣ ಖಾತೆಯಲ್ಲಿ ಜೀವನದ ಉದ್ದೇಶಗಳು ಮತ್ತು ಇತರ ಮಾಹಿತಿ, ಹಾಸ್ಯಮಯ ಮತ್ತು ಒಳನೋಟವುಳ್ಳ ಟ್ವೀಟ್‌ಗಳಿಗೆ ಹೆಸರುವಾಸಿಯಾಗಿದ್ದಾರೆ.

ಈ ಬಾರಿ ಅವರು ಭಾನುವಾರ ಭಾರತ ಮತ್ತು ಪಾಕಿಸ್ತಾನದ ರೋಚಕ ಪಂದ್ಯದ ನಂತರ ಶಾರುಖ್ ಖಾನ್ ಮತ್ತು ದೀಪಿಕಾ ಪಡುಕೋಣೆ ಅಭಿನಯದ ‘ಚೆನ್ನೈ ಎಕ್ಸ್‌ಪ್ರೆಸ್’ ಚಿತ್ರದ ‘ಲುಂಗಿ ಡ್ಯಾನ್ಸ್’ ಹಾಡಿಗೆ ಜನರು ನೃತ್ಯ ಮಾಡುವ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ.‌

ಭಾರತ ತನ್ನ ಮೊದಲ ಟಿ20 ವಿಶ್ವಕಪ್ 2022 ಪಂದ್ಯವನ್ನು ನಾಲ್ಕು ವಿಕೆಟ್‌ಗಳಿಂದ ಗೆದ್ದಿತು.

ಪೋಸ್ಟ್ ಅನ್ನು ಹಂಚಿಕೊಳ್ಳುವಾಗ, ಮಹೀಂದ್ರಾ “ಲುಂಗಿ ನೃತ್ಯ ಗ್ರೂಪ್ ಮತ್ತು ಭಾಂಗ್ರಾ ಬೆಟಾಲಿಯನ್‌ನ ಬಲವನ್ನು ಗಮನಿಸಿದರೆ, ಭಾರತವು ಈಗಾಗಲೇ ಟಿ20WC 2022 ವಿಶ್ವಕಪ್‌ನ ಪೂರ್ವ ಪಂದ್ಯದ ಅಭಿಮಾನಿಗಳ ಬೆಂಬಲವನ್ನು ಗೆದ್ದಂತೆ ತೋರುತ್ತಿದೆ.” ಎಂದು ಶೀರ್ಷಿಕೆ ಬರೆದಿದ್ದಾರೆ.

ಮಹೀಂದ್ರಾ ಅವರು ಹಂಚಿಕೊಂಡ ವೀಡಿಯೊದಲ್ಲಿ, ನೀಲಿ ಜೆರ್ಸಿಯನ್ನು ಧರಿಸಿರುವ ಭಾರತೀಯ ತಂಡದ ಬೆಂಬಲಿಗರ ಗುಂಪು ಹಾಡಿಗೆ ಸ್ಟೆಪ್ ಹಾಕುತ್ತಾ ಮೆಲ್ಬೋರ್ನ್ ಕ್ರಿಕೆಟ್ ಮೈದಾನದಲ್ಲಿ ಉತ್ಸಾಹದಿಂದ ಭಾರತೀಯ ಕ್ರಿಕೆಟ್ ತಂಡವನ್ನು ಹುರಿದುಂಬಿಸುವುದನ್ನು ಕಾಣಬಹುದು.

‘ಲುಂಗಿ ಡ್ಯಾನ್ಸ್’ ಅನ್ನು ರಾಪರ್ ಹನಿ ಸಿಂಗ್ ಹಾಡಿದ್ದಾರೆ. ಈ ಪೋಸ್ಟ್ ಕೇವಲ ಒಂದು ದಿನದಲ್ಲಿ 1.9 ಲಕ್ಷಕ್ಕೂ ಹೆಚ್ಚು ವೀಕ್ಷಣೆ ಮತ್ತು 9,000 ಕ್ಕೂ ಹೆಚ್ಚು ಲೈಕ್ ಗಳಿಸಿದೆ.

ಟ್ವಿಟರ್ ಬಳಕೆದಾರರು ಪೋಸ್ಟ್‌ನ ಕಾಮೆಂಟ್ ವಿಭಾಗವನ್ನು ತುಂಬಿದರು, ತಂಡದ ಉತ್ಸಾಹವನ್ನು ಶ್ಲಾಘಿಸಿದರು ಮತ್ತು ಅವರಿಗೆ ದೀಪಾವಳಿಯ ಶುಭಾಶಯಗಳನ್ನು ಸಹ ಕೋರಿದರು.