ಮಹಿಳಾ ಸಬಲೀಕರಣ ಸಂದೇಶ ಸಾರಲು 5000 ಕಿಮೀ ಸೈಕಲ್​ ಜಾಥಾ ಕೈಗೊಂಡ ಯುವತಿಯರು..!

ಮಹಿಳಾ ಸಬಲೀಕರಣ ಹಾಗೂ ಮಾಲಿನ್ಯ ರಹಿತ ಪರಿಸರದ ಬಗ್ಗೆ ಜಾಗೃತಿ ಮೂಡಿಸುವ ಸಲುವಾಗಿ ಬಿಹಾರ ಹಾಗೂ ಉತ್ತಾರಖಂಡ್​ನ ಇಬ್ಬರು ಯುವತಿಯರು ವಾಘಾ ಗಡಿಯಿಂದ ಅರುಣಾಚಲ ಪ್ರದೇಶದವರೆಗೆ ಸೈಕ್ಲಿಂಗ್​ ಕೈಗೊಂಡಿದ್ದಾರೆ.

ಮಹಿಳಾ ಸಬಲೀಕರಣದ ಬಗ್ಗೆ ಸಂದೇಶ ರವಾನಿಸೋದು ನಮ್ಮ ಮುಖ್ಯ ಗುರಿಯಾಗಿತ್ತು. ನಾವು ಅರುಣಾಚಲ ಪ್ರದೇಶದವರೆಗೂ ಸೈಕ್ಲಿಂಗ್​ ನಡೆಸಲಿದ್ದೇವೆ. ಉತ್ತರಾಖಂಡ್​ ಸರ್ಕಾರ ನಮ್ಮ ಈ ಪ್ರಯತ್ನಕ್ಕೆ ಸಾಥ್​ ನೀಡ್ತಿದೆ ಎಂದು ಸ್ಲೈಕಿಸ್ಟ್ ಸುರುತಿ ರಾವತ್​ ಹೇಳಿದ್ದಾರೆ.

ನಾನು ಉತ್ತರಕಾಶಿ ಜಿಲ್ಲೆಗೆ ಸೇರಿದವಳು. ಸ್ವಚ್ಛ ಹಿಮಾಲಯ ಹಾಗೂ ಮಹಿಳಾ ಸಬಲೀಕರಣ ಸಂದೇಶವನ್ನ ಸಾರಬೇಕು ಅನ್ನೋದು ನಮ್ಮ ಉದ್ದೇಶವಾಗಿದೆ. ನಮ್ಮ ಪ್ರಯಾಣದ ವೇಳೆ ಅನೇಕರ ಜೊತೆ ಸಂವಹನ ನಡೆಸಲಿದ್ದೇವೆ ಎಂದು ಸುರುತಿ ಹೇಳಿದ್ದಾರೆ.

5 ಸಾವಿರ ಕಿಲೋಮೀಟರ್​ನ ಈ ಪ್ರಯಾಣದಲ್ಲಿ ಇಬ್ಬರು ಯುವತಿಯರು 5 ರಾಜ್ಯಗಳನ್ನ ದಾಟಲಿದ್ದಾರೆ. ಬಿಎಸ್​ಎಫ್​ ನಿರ್ದೇಶಕ ಭೂಪಿಂದರ್​ ಸಿಂಗ್​ ಇವರಿಬ್ಬರ ಪ್ರಯಾಣಕ್ಕೆ ಹಸಿರು ಬಾವುಟ ತೋರಿಸಿದ್ರು.