ಕೋವಿಡ್ ಮಾರ್ಗಸೂಚಿ ಇರಲಿ ಬಿಡಲಿ, ವಿಮಾನ ನಿಲ್ದಾಣದಿಂದ ಹೊರ ಬರೋದು ಹಾಗೂ ಒಳ ಹೋಗುವ ಕೆಲಸ ಸುಲಭವಂತೂ ಅಲ್ಲ. ನೀವು ವಿಮಾನದಿಂದ ಸರಿಯಾದ ಸಮಯಕ್ಕೆ ಇಳಿದ್ರೂ ಸಹ ಲಗೇಜ್ ಸಂಗ್ರಹ ಮಾಡೋದು ಸೇರಿದಂತೆ ವಿವಿಧ ಕೆಲಸಗಳನ್ನ ಮಾಡೋದೇ ಸಮಯ ತೆಗೆದುಕೊಳ್ಳುತ್ತೆ. ಇದು ವಿಮಾನ ನಿಲ್ದಾಣದಲ್ಲಿ ಹೊರಗೆ ಕಾಯುತ್ತಿರುವವರ ತಾಳ್ಮೆಯನ್ನ ಪರೀಕ್ಷಿಸುವಂತೆ ಮಾಡಬಹುದು. ಇಂತಹದ್ದೇ ಒಂದು ಘಟನೆಗೆ ವಿಮಾನಯಾನ ತಜ್ಞ ಸಂಜೀವ್ ಕಪೂರ್ ಸಾಕ್ಷಿಯಾಗಿದ್ದಾರೆ.
ವಿಮಾನಯಾನ ತಜ್ಞ ಸಂಜೀವ್ ಕಪೂರ್ ತಮ್ಮ ಪತ್ನಿಯ ಜೊತೆ ನಡೆಸಿದ ವಾಟ್ಸಾಪ್ ಚಾಟ್ನ ಸ್ಕ್ರೀನ್ಶಾಟ್ ಒಂದನ್ನ ಟ್ವಿಟರ್ನಲ್ಲಿ ಶೇರ್ ಮಾಡಿದ್ದಾರೆ.
ಪತ್ನಿಯ ಬಳಿ ಸಂಜೀವ್, ವಿಮಾನ ಸರಿಯಾದ ಸಮಯಕ್ಕೆ ಲ್ಯಾಂಡ್ ಆಗಲಿದೆ. ಮಧ್ಯಾಹ್ನ 12ಗಂಟೆಗೆ ಸರಿಯಾಗಿ ಕಾರನ್ನ ಕಳುಹಿಸು ಎಂದು ಹೇಳಿದ್ದಾರೆ. ಇದಕ್ಕೆ ಪ್ರತಿಯಾಗಿ ಪತ್ನಿ ಒಕೆ ಎಂದಿದ್ದಾರೆ. ಕೂಡಲೇ ನಾನು ಕಾರಿನಲ್ಲೇ ಇರುತ್ತೇನೆ. ಹೀಗಾಗಿ ನೀವು ಸರಿಯಾದ ಸಮಯಕ್ಕೆ ಬನ್ನಿ ಎಂದಿದ್ದಾರೆ. ಇದಕ್ಕೆ ಸಂಜೀವ್, ನೀನು ಕೂಡ ಕಾರಿನಲ್ಲಿ ಇರ್ತೀಯಾ ಎಂಬ ವಿಚಾರವನ್ನ ಪೈಲೆಟ್ಗೆ ತಿಳಿಸುತ್ತೇನೆ ಎಂದು ಮೆಸೇಜ್ ಮಾಡಿದ್ದಾರೆ.
ವಿಮಾನಯಾನ ಇಲಾಖೆಯಲ್ಲಿ 20 ವರ್ಷಗಳ ಅನುಭವ ಹೊಂದಿರುವ ನಿವೃತ್ತ ಸಿಸಿಒ ವಿಸ್ತಾರಾ ಇದಕ್ಕೆ ಉತ್ತರ ನೀಡಿದ್ದು ನಾನು ಈ ವಿಚಾರವನ್ನ ಪೈಲಟ್ಗೆ ತಿಳಿಸುತ್ತೇನೆ ಎಂದು ಬರೆದಿದ್ದಾರೆ.
ಇದಾದ ಬಳಿಕ ಇನ್ನೊಂದು ಟ್ವೀಟ್ ಶೇರ್ ಮಾಡಿರುವ ಸಂಜೀವ್, ನಾನು ಹೇಳಿದ್ದಕ್ಕಿಂತ ಹೆಚ್ಚು ಸಮಯವನ್ನ ತೆಗೆದುಕೊಂಡೆ. ಇದು ನನ್ನ ಹೊಸ ಮನೆಯೆಂದು ನಾಯಿ ಗೂಡಿನ ಫೋಟೋ ಶೇರ್ ಮಾಡಿದ್ದಾರೆ. ಸಂಜೀವ್ ಕಪೂರ್ರ ಈ ಟ್ವೀಟ್ಗಳು ಸಖತ್ ವೈರಲ್ ಆಗಿವೆ.
Loading ...