ಭಾರತದ ಜಾಗತಿಕ ಕಾಳಜಿಗೆ ತಲೆಬಾಗಿದ ವಿಶ್ವ ಆರೋಗ್ಯ ಸಂಸ್ಥೆ

ದಕ್ಷಿಣ ಏಷಿಯಾದ ತನ್ನ ನೆರೆಹೊರೆಯ ರಾಷ್ಟ್ರಗಳಿಗೆ ಹಾಗೂ ಬ್ರೆಜಿಲ್​, ಮೊರಸ್ಕೋಗೆ ಭಾರತ ಕೊರೊನಾ ಲಸಿಕೆಗಳನ್ನ ಕಳುಹಿಸಿಕೊಟ್ಟಿದೆ. ಹಾಗೂ ಶೀಘ್ರದಲ್ಲೇ ದಕ್ಷಿಣ ಆಫ್ರಿಕಾ ಕೂಡ ಭಾರತದ ಲಸಿಕೆಗಳನ್ನ ಸ್ವೀಕರಿಸಲಿದೆ.

ಕೊರೊನಾ ವೈರಸ್​ ವಿಚಾರದಲ್ಲಿ ನಿರಂತರ ಬೆಂಬಲವನ್ನ ಸೂಚಿಸುತ್ತಿರುವ ಭಾರತ ಹಾಗೂ ಪ್ರಧಾನಿ ಮೋದಿಗೆ ಧನ್ಯವಾದಗಳು. ನಾವು ಒಗ್ಗಟ್ಟಾಗಿ ಕೆಲಸ ಮಾಡಿದ್ರೆ ಮಾತ್ರ ವೈರಸ್​​ ವಿರುದ್ಧ ಹೋರಾಡಿ ಜೀವ ಸಂಕುಲಗಳನ್ನ ರಕ್ಷಿಸಬಹುದಾಗಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ಡೈರೆಕ್ಟರ್​ ಜನರಲ್​​ ಟೆಡ್ರೋಸ್​ ಅಧಾನೋಮ್​​ ಗೆಬ್ರೆಯೋಸಿಸ್​ ಟ್ವೀಟ್​ ಮಾಡಿದ್ದಾರೆ.

ಭಾರತ ಬಾಂಗ್ಲಾದೇಶ, ನೇಪಾಳ, ಭೂತಾನ್​, ಮಾಲ್ಡೀವ್ಸ್​​ ಸೇರಿದಂತೆ ಹಲವಾರು ರಾಷ್ಟ್ರಗಳು ಕೊರೊನಾ ಲಸಿಕೆ ಪಡೆದಿವೆ. ಮಯನ್ಮಾರ್​​ ಹಾಗೂ ಶ್ರೀಲಂಕಾ ಸೇರಿದಂತೆ ವಿವಿಧ ರಾಷ್ಟ್ರಗಳು ಮುಂದಿನ ದಿನಗಳಲ್ಲಿ ಕೋವಿಶೀಲ್ಡ್ ಲಸಿಕೆಯನ್ನ ಪಡೆಯಲಿವೆ .