ಕೊರೊನಾ ವೈರಸ್ನಿಂದಾಗಿ ಕಳೆದೊಂದು ವರ್ಷದಿಂದ ಎಲ್ಲರ ಜೀವನಶೈಲಿಯೇ ಬದಲಾಗಿದೆ. ಶಿಕ್ಷಣ ಕ್ಷೇತ್ರವಂತೂ ಈಗೀಗ ಹಂತ ಹಂತವಾಗಿ ಚೇತರಿಸಿಕೊಳ್ಳುತ್ತಿದೆ. ಕಾಲೇಜಿನಿಂದ ಆರಂಭವಾಗಿ ಇದೀಗ ಪ್ರಾಥಮಿಕ ಶಾಲೆಯಲ್ಲೂ ಮಕ್ಕಳ ಕಲರವ ಕೇಳಿ ಬರ್ತಿದೆ.
ಬುಧವಾರ ಪುಣೆಯ ಪ್ರಭಾತ್ ರಸ್ತೆಯಲ್ಲಿರುವ ಸಿಂಬಯೋಸಿಸ್ ಶಾಲೆಗೆ 5ನೇ ತರಗತಿ ಮಕ್ಕಳು ವಾಪಸ್ಸಾಗಿದ್ರು. ಒಂದು ವರ್ಷದ ಬಳಿಕ ಶಾಲೆಯ ಕಡೆ ಮುಖ ಮಾಡಿದ ಮಕ್ಕಳಿಗೆ ಶಿಕ್ಷಕರು ಹಾಗೂ ಶಿಕ್ಷಕೇತರ ಸಿಬ್ಬಂದಿ ನೃತ್ಯ ಮಾಡುವ ಮೂಲಕ ಸ್ವಾಗತ ಕೋರಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ನೆಟ್ಟಿಗರ ಮನ ಗೆಲ್ಲುತ್ತಿದೆ.
ಹೆರಿಗೆಗೂ ಕೆಲವೇ ಗಂಟೆ ಮುಂಚೆ ಸೇವೆಗೆ ಹಾಜರಾಗಿ ಮಾದರಿಯಾದ್ರು ಈ ಮೇಯರ್..!
ಟ್ವಿಟರ್ನಲ್ಲಿ ಈ ವಿಡಿಯೋ ಶೇರ್ ಮಾಡಿದ್ದ ಶಾಲೆಯ ಪ್ರಾಂಶುಪಾಲೆ ವಿದ್ಯಾ ಯೆರವ್ಡೇಕರ್ ಕೊರೊನಾದಿಂದಾಗಿ ಮಕ್ಕಳು ಬಲವಂತವಾಗಿ ಶಾಲೆಗೆ ಬರಲಾಗದಂತಹ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಆದರೆ ಈಗ ಮಕ್ಕಳು ಶಾಲೆಗೆ ಮರಳುತ್ತಿದ್ದಾರೆ. ಈ ದಿನವನ್ನ ನಾವು ಸಂಭ್ರಮಿಸೋಣ ಎಂದು ಪ್ಲಾನ್ ಮಾಡಿದ್ದೆವು. ಹೀಗಾಗಿ ಈ ಪ್ರಯತ್ನ ಮಾಡಿದ್ದೇವೆ ಎಂದು ಬರೆದುಕೊಂಡಿದ್ದಾರೆ.
Loading ...