ʼಕೊರೊನಾʼ ಲಸಿಕೆ ಹಾಕಿಸಿಕೊಂಡವರಿಗೊಂದು ಖುಷಿ ಸುದ್ದಿ

ಕೆಲ ಕೋವಿಡ್​​ 19 ಲಸಿಕೆಗಳು ಕೊರೊನಾ ರೂಪಾಂತರಿ ವೈರಸ್​ ವಿರುದ್ಧ ಕಡಿಮೆ ಪರಿಣಾಮಕಾರಿತ್ವವನ್ನ ತೋರಿಸುತ್ತಿದೆ ಎಂದು ವರದಿ ಆಗಿದ್ದರೂ ಸಹ ಸೋಂಕಿತರಲ್ಲಿ ಕೊರೊನಾದ ಗಂಭೀರ ಲಕ್ಷಣಗಳನ್ನ ಕಡಿಮೆ ಮಾಡುವಲ್ಲಿ ಯಶಸ್ವಿಯಾಗುತ್ತಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ಮುಖ್ಯ ವಿಜ್ಞಾನಿ ಸೌಮ್ಯ ಸ್ವಾಮಿನಾಥನ್​ ಹೇಳಿದ್ದಾರೆ.

23ನೇ ಡಾ. ಎಸ್​. ರಂಗರಾಜನ್​​ ಪುಣ್ಯಸ್ಮರಣೆ ನಿಮಿತ್ತ ಸುಂದರಂ ಮೆಡಿಕಲ್​ ಫೌಂಡೇಶನ್​ ಆಯೋಜಿಸಿದ್ದ ವಿಡಿಯೋ ಕಾನ್ಫರೆನ್ಸ್​ನಲ್ಲಿ ಭಾಗಿಯಾದ ಸೌಮ್ಯ ಸ್ವಾಮಿನಾಥನ್​, ಸೋಂಕಿತರಲ್ಲಿ ತೀವ್ರ ಅನಾರೋಗ್ಯ ಹಾಗೂ ರೋಗಿಗಳು ಆಸ್ಪತ್ರೆ ದಾಖಲಾಗುವ ಪ್ರಮಾಣವನ್ನ ಕಡಿಮೆ ಮಾಡಲಿಕ್ಕಾಗಿಯಾದರೂ ಕೊರೊನಾ ಲಸಿಕೆಗಳನ್ನ ಮುಂದುವರಿಸಲೇಬೇಕು ಎಂದು ಅಭಿಪ್ರಾಯಪಟ್ಟಿದ್ದಾರೆ.

ವಿಶ್ವದಲ್ಲಿ ಇಲ್ಲಿಯವರೆಗೆ ಬಳಕೆ ಮಾಡಲಾಗುತ್ತಿರುವ 11 ವಿವಿಧ ಕೋವಿಡ್​ ಲಸಿಕೆಗಳ ಬಗ್ಗೆ ಮಾತನಾಡಿದ ಡಾ. ಸೌಮ್ಯ, ಕೆಲ ಲಸಿಕೆಗಳು ರೂಪಾಂತರಿ ವೈರಸ್​ಗಳ ವಿರುದ್ಧ ಕಡಿಮೆ ಪರಿಣಾಮಕಾರತ್ವವನ್ನ ತೋರಿಸುತ್ತಿದೆ ಎಂದು ಹೇಳಿದ್ದಾರೆ.

ಇನ್ನು ಇದೇ ವೇಳೆ ರೆಮಿಡಿಸಿವರ್ ಚುಚ್ಚುಮದ್ದಿನ ಬಗ್ಗೆಯೂ ಮಾತನಾಡಿದ ಅವರು, ಕೆಲವು ಸಂದರ್ಭಗಳಲ್ಲಿ ಇದು ರೋಗ ಲಕ್ಷಣಗಳನ್ನ ಕಡಿಮೆ ಮಾಡುವಲ್ಲಿ ಸಹಕಾರಿಯಾಗಿದೆ ಎಂದು ಹೇಳಿದ್ರು.