ಸ್ವಕ್ಷೇತ್ರದಲ್ಲೇ ನಿರ್ಬಂಧಕ್ಕೊಳಗಾದ ಬಿಜೆಪಿ ಶಾಸಕ..! ಕಾರಣವೇನು ಗೊತ್ತಾ…?

ಘಾಜಿಯಾಬಾದ್​​ನ ಮೂರು ಹಳ್ಳಿಯ ನಿವಾಸಿಗಳು ಸ್ಥಳೀಯ ಶಾಸಕ ನಂದ್​ ಕಿಶೋರ್​ ಗುರ್ಜರ್​ಗೆ ಗ್ರಾಮಕ್ಕೆ ಆಗಮಿಸಲು ನಿಷೇಧ ಹೇರಿದ್ದಾರೆ.

ಪ್ರತಿಭಟನಾನಿರತ ರೈತರಿಗೆ ಗುರ್ಜರ್​ ಬೆದರಿಕೆಯೊಡ್ಡಿದ್ದಾರೆ ಹಾಗೂ ಅಗೌರವ ತೋರಿದ್ದಾರೆ ಎಂಬ ಕಾರಣದಿಂದಾಗಿ ಗ್ರಾಮಸ್ಥರು ಈ ನಿರ್ಧಾರ ಕೈಗೊಂಡಿದ್ದಾರೆ.

ಬಿಜೆಪಿ ಶಾಸಕನಿಗೆ ಬಾಂಥ್ಲಾ, ಬೆಹ್ತಾ ಹಾಗೂ ಅಫ್ಜಲ್​ಪುರ ನಿಸ್ತೋಲಿ ಗ್ರಾಮದಿಂದ ನಿಷೇಧ ಹೇರಲಾಗಿದೆ. ಪಂಚಾಯತ್​ ಸದಸ್ಯರು ಗ್ರಾಮದೆಲ್ಲೆಡೆ ಈ ಸಂಬಂಧ ಬ್ಯಾನರ್​ಗಳನ್ನ ಅಳವಡಿಸಿದ್ದಾರೆ.

ಆದರೆ ಈ ಎಲ್ಲಾ ಆರೋಪಗಳನ್ನ ಬಿಜೆಪಿ ಶಾಸಕ ನಂದ್​ಕಿಶೋರ್​ ನಿರಾಕರಿಸಿದ್ದಾರೆ. ಘಾಜಿಪುರದಲ್ಲಿ ರೈತ ಪ್ರತಿಭಟನೆಯನ್ನ ಮುನ್ನೆಡೆಸುತ್ತಿರುವ ಭಾರತೀಯ ಕಿಸಾನ್​ ಯೂನಿಯನ್​ ಮುಖ್ಯಸ್ಥ ರಾಕೇಶ್​ ಟಿಕಾಯತ್​ ನನ್ನ ಬಗ್ಗೆ ಅಪಪ್ರಚಾರ ಮಾಡಿದ್ದಾರೆ ಎಂದು ಆರೋಪಿಸಿದ್ದಾರೆ.

ಬಾಂಥ್ಲಾ ಗ್ರಾಮದಲ್ಲಿ ಲೋನಿ ಶಾಸಕ ನಂದ್​ ಕಿಶೋರ್​ ಗುರ್ಜರ್​ರನ್ನ ಬಾಯ್​ಕಾಟ್​ ಮಾಡಲಾಗಿದೆ. ರೈತರನ್ನ ಅಗೌರಸುವ ಯಾರನ್ನೂ ಬಾಂಥಲಾ ಸಹಿಸೋದಿಲ್ಲ ಎಂದು ಬ್ಯಾನರ್​ ಅಳವಡಿಸಲಾಗಿದೆ. ಇದೇ ರೀತಿಯ ಬ್ಯಾನರ್​ನ್ನು ಅಫ್ಜಲ್​ಪುರ, ನಿಸ್ತೋಲಿ ಗ್ರಾಮಗಳಲ್ಲೂ ಅಳವಡಿಸಲಾಗಿದೆ.