ಜಮ್ಮು- ಕಾಶ್ಮೀರ ಚೀನಾದ ಭಾಗ ಎಂದ ಟ್ವಿಟರ್ ವಿರುದ್ಧ ನೆಟ್ಟಿಗರು ಕೆಂಡಾಮಂಡಲ

ಜಮ್ಮು ಮತ್ತು ಕಾಶ್ಮೀರ ಚೀನಾಗೆ ಸೇರಿದ ಪ್ರದೇಶ ಎಂದು ತೋರಿಸುವ ಮೂಲಕ ಟ್ವಿಟರ್​ ಇಂಡಿಯಾ ಹೊಸ ವಿವಾದವೊಂದನ್ನ ಮೈಮೇಲೆ ಎಳೆದುಕೊಂಡಿದೆ.

ಒಆರ್​ಎಫ್​​ ಸಂಸ್ಥಾಪಕ ಕಂಚನ್​ ಗುಪ್ತಾ ಟ್ವಿಟರ್​ನ ಈ ಪ್ರಮಾದವನ್ನ ಬಯಲಿಗೆಳೆಯುವ ಮೂಲಕ ಆಕ್ರೋಶ ಹೊರಹಾಕಿದ್ದಾರೆ. ಜಮ್ಮು & ಕಾಶ್ಮೀರವನ್ನ ಚೀನಾಗೆ ಕೊಡಲು ಟ್ವಿಟರ್​ ನಿರ್ಧರಿಸಿದಂತೆ ಕಾಣ್ತಿದೆ. ಇದು ಭಾರತೀಯ ಕಾನೂನಿನ ಉಲ್ಲಂಘನೆಯಾಗಿದೆ. ಭಾರತೀಯ ನಾಗರಿಕರು ಇದಕ್ಕೆ ತಕ್ಕ ಶಿಕ್ಷೆ ಕೊಡುತ್ತಾರೆ ಎಂದು ಟ್ವೀಟ್​ ಮಾಡಿ ಕೇಂದ್ರ ಸಚಿವ ರವಿಶಂಕರ್​ ಪ್ರಸಾದ್​ರನ್ನ ಟ್ಯಾಗ್​ ಮಾಡಿದ್ದಾರೆ.

ಕಂಚನ್​ ಗುಪ್ತಾ ಟ್ವೀಟ್​ ನೋಡ್ತಿದ್ದಂತೆಯೇ ಟ್ವಿಟರ್​ ವಿರುದ್ಧ ಕೆಂಡಾಮಂಡಲರಾದ ಭಾರತೀಯರು ಸರ್ಕಾರ ಇದರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ.