ಚುನಾವಣೆ ಸಮೀಪಿಸುತ್ತಿರುವ ಸಂದರ್ಭದಲ್ಲೇ ದೀದಿಗೆ ಬಿಗ್ ಶಾಕ್…!

ಪಶ್ಚಿಮ ಬಂಗಾಳ ಚುನಾವಣೆಗೆ ಇನ್ನೇನು ಕೆಲವೇ ತಿಂಗಳು ಬಾಕಿ ಇದೆ ಅನ್ನೋವಾಗಲೇ ಮಮತಾ ಬ್ಯಾನರ್ಜಿಗೆ ಶಾಕ್​ ಮೇಲೆ ಶಾಕ್​ ಎದುರಾಗುತ್ತಲೇ ಇದೆ.

ತೃಣಮೂಲ ಕಾಂಗ್ರೆಸ್​ನಿಂದ ಇಬ್ಬರು ಶಾಸಕರು ಹೊರಬಿದ್ದ ಒಂದು ದಿನದಲ್ಲೇ ಪಕ್ಷದ ಮತ್ತೊಬ್ಬ ಶಾಸಕ ರಾಜೀನಾಮೆ ನೀಡಿದ್ದಾರೆ.

ತೃಣಮೂಲ ಕಾಂಗ್ರೆಸ್​ ಪಕ್ಷದ ಶಾಸಕ ಶಿಲ್​ಭದ್ರಾ ದತ್ತಾ ಇಂದು ಬೆಳಗ್ಗೆ ಪಕ್ಷ ತ್ಯಜಿಸಿದ್ದಾರೆ. ಪಶ್ಚಿಮ ಬಂಗಾಳ ಚುನಾವಣೆಗೆ ಕೆಲ ತಿಂಗಳ ಮುಂಚೆ ಪಕ್ಷದಲ್ಲಿ ಈ ರೀತಿಯ ಸಂಚಲನ ಉಂಟಾಗ್ತಿರೋದು ಬಂಗಾಳ ದೀದಿಯನ್ನ ಚಿಂತೆಗೀಡು ಮಾಡಿದೆ.

ನಿನ್ನೆಯಷ್ಟೇ ಸುವೆಂಧು ಅಧಿಕಾರಿ ಹಾಗೂ ಜೀತೇಂದ್ರ ತಿವಾರಿ ತಮ್ಮ ರಾಜೀನಾಮೆ ಪತ್ರವನ್ನ ಪಕ್ಷಕ್ಕೆ ಹಸ್ತಾಂತರಿಸಿದ್ದರು. ಇದೀಗ ಈ ಸಾಲಿಗೆ ಶಿಲ್​ ಭದ್ರಾ ದತ್ತಾ ಕೂಡ ಸೇರಿದ್ದಾರೆ. ಇವರೆಲ್ಲರೂ ಅಮಿತ್​ ಶಾ ಸಮ್ಮುಖದಲ್ಲಿ ಬಿಜೆಪಿ ಸೇರ್ಪಡೆಯಾಗಲಿದ್ದಾರೆ ಎಂಬ ಗುಮಾನಿ ರಾಜಕೀಯ ವಲಯದಲ್ಲಿ ಹರಿದಾಡುತ್ತಿದೆ.