ಇಂಡೋ – ಟಿಬೆಟಿಯನ್ ಗಡಿಯಲ್ಲಿ ಪುಟ್ಟ ಹುಡುಗ ಸೇನಾ ಸಮವಸ್ತ್ರ ಧರಿಸಿದ ಸೆಲ್ಯೂಟ್ ಮಾಡುತ್ತಿರುವ ವಿಡಿಯೋ ಅಕ್ಟೋಬರ್ ತಿಂಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಇದೀಗ ಅದೇ ಹುಡುಗನ ಮತ್ತೊಂದು ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸದ್ದು ಮಾಡ್ತಿದೆ.
ನವಾಂಗ್ ನಂಗ್ಯಾಲ್ ಎಂಬ ಹೆಸರಿನ ಈ ಹುಡುಗ ಸೇನಾ ಸಮವಸ್ತ್ರ ಧರಿಸಿ ನೀಡಿದ ಕಮಾಂಡ್ಗೆ ತಕ್ಕಂತೆ ಸೆಲ್ಯೂಟ್ ಹಾಗೂ ಪರೇಡ್ ಮಾಡಿದ್ದಾನೆ.
ಈ ವಿಡಿಯೋವನ್ನ ಐಟಿಬಿಪಿ ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದು ವರ್ಷದ ವಿದ್ಯಾರ್ಥಿ ನವಾಂಗ್ ಲಡಾಕ್ನ ಗ್ರಾಮವೊಂದರ ಬಳಿ ಇಂಡೋ – ಟಿಬೆಟಿಯನ್ ಯೋಧರಿಗೆ ನಮಸ್ಕರಿಸುತ್ತಿದ್ದಾನೆ ಎಂದು ಬರೆದುಕೊಂಡಿದೆ.
ಈ ವಿಡಿಯೋ ನೋಡಿದ ನೆಟ್ಟಿಗರು ನಮ್ಮ ಭವಿಷ್ಯದ ಭಾರತೀಯ ಯೋಧ ಎಂದು ಬಾಲಕನಿಗೆ ಬಿರುದು ನೀಡಿದ್ದಾರೆ.
Loading ...