ದಕ್ಷಿಣ ಭಾರತದ ನಟಿ ಕಾಜಲ್ ಅಗರ್ವಾಲ್ ಕೆಲ ತಿಂಗಳ ಹಿಂದಷ್ಟೇ ಉದ್ಯಮಿ ಗೌತಮ್ ಕಿಚ್ಲು ಜೊತೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಮದುವೆ, ಹನಿಮೂನ್ ಮುಗಿಸಿ ಇದೀಗ ಮತ್ತೆ ಶೂಟಿಂಗ್ನಲ್ಲಿ ಬ್ಯುಸಿ ಆಗಿರುವ ನಟಿ ಸೋಮವಾರ ಇನ್ಸ್ಟಾಗ್ರಾಂನಲ್ಲಿ ತಮಗಿರುವ ಆರೋಗ್ಯ ಸಮಸ್ಯೆ ಬಗ್ಗೆ ಹೇಳಿಕೊಂಡಿದ್ದರು.
ಇನ್ಸ್ಟಾಗ್ರಾಂ ಪೋಸ್ಟ್ನಲ್ಲಿ ಕಾಜಲ್ ಬಾಲ್ಯದಿಂದಲೂ ತಾವು ಅಸ್ತಮಾ ಸಮಸ್ಯೆಯಿಂದ ಬಳಲುತ್ತಿರೋದಾಗಿ ನಟಿ ಹೇಳಿಕೊಂಡಿದ್ದಾರೆ. ಎಲ್ಲಿಯಾದರೂ ಪ್ರಯಾಣಿಸುವ ವೇಳೆ ಅಥವಾ ಧೂಳಿನ ಸಮಸ್ಯೆ ಇದ್ದಲ್ಲಿ ನನಗೆ ಈ ಸಮಸ್ಯೆ ಹೆಚ್ಚಾಗುತ್ತದೆ. ಹೀಗಾಗಿ ನಾನು ಇನ್ಹೇಲರ್ಗಳನ್ನ ಬಳಕೆ ಮಾಡುತ್ತೇನೆ ಎಂದು ಅನುಭವ ಹಂಚಿಕೊಂಡಿದ್ದರು.
ಕಾಜಲ್ ಅಗರ್ವಾಲ್ ಅನುಭವಿಸುತ್ತಿರುವ ಈ ಸಮಸ್ಯೆಯನ್ನ ಶ್ವಾಸನಾಳದ ಅಸ್ತಮಾ ಎಂದು ಕರೆಯಲಾಗುತ್ತೆ. ಈ ಸಮಸ್ಯೆ ಇರುವವರು ಎದೆಯಲ್ಲಿ ಒತ್ತಡ, ಉಸಿರಾಟದ ಸಮಸ್ಯೆ, ಕಫ, ಸೀನಿನ ಸಮಸ್ಯೆಯಿಂದ ಬಳಲುತಿರ್ತಾರೆ.
ಧೂಳಿನ ಅಲರ್ಜಿ ಸಮಸ್ಯೆ ಇರುವವರು ಅಥವಾ ಧೂಳಿನಿಂದಾಗಿ ಕೂಡಲೇ ಕಫದ ಸಮಸ್ಯೆ ಎದುರಿಸುವವರು ಆದಷ್ಟು ಬೇಗ ವೈದ್ಯರಲ್ಲಿ ಅಸ್ತಮಾ ಬಗ್ಗೆ ಚರ್ಚೆ ನಡೆಸೋದು ಒಳಿತು. ಈ ವೇಳೆ ನಿಮ್ಮ ಎದೆಯ ಎಕ್ಸ್ ರೇಯನ್ನ ತೆಗೆದು ನೀವು ಅಸ್ತಮಾದಿಂದ ಬಳಲುತ್ತಿದ್ದಿರೋ ಇಲ್ಲವೋ ಅನ್ನೋದ್ರ ಬಗ್ಗೆ ವೈದ್ಯರು ಮಾಹಿತಿ ನೀಡ್ತಾರೆ.
Loading ...