“ಎಂಜಿನಿಯರ್ ಚಾಯ್ ವಾಲಾ’’: ನಿರುದ್ಯೋಗಿಗಳಿಗೆ ಸ್ಪೂರ್ತಿ

ನೌಕರಿ ಮಾಡಿ ಎಷ್ಟೇ ಹಣ ಸಂಪಾದನೆ ಮಾಡಿದ್ರೂ ನೆಮ್ಮದಿ ಇಲ್ಲವೆಂದ್ರೆ ಹಣ ಮಾಡಿಯೂ ಪ್ರಯೋಜನವಿಲ್ಲ. ಲಕ್ಷಾಂತರ ಹಣ ಸಂಪಾದನೆಗಿಂತ ನೆಮ್ಮದಿ ಕೆಲಸದಿಂದ ಬರುವ ಸಾವಿರಾರು ರೂಪಾಯಿ ಸಂತೋಷ ನೀಡುತ್ತದೆ. ಇದಕ್ಕೆ ಎಂಜಿನಿಯರ್ ಚಾಯ್ ವಾಲಾ ಉತ್ತಮ ಉದಾಹರಣೆ.

ಛತ್ತೀಸ್ಗಢದ ಐಎಎಸ್ ಅಧಿಕಾರಿ ಅವಿನಾಶ್ ತಮ್ಮ ಟ್ವಿಟರ್ ನಲ್ಲಿ ಎಂಜಿನಿಯರ್ ಚಾಯ್ ವಾಲಾ ಫೋಸ್ಟ್ ಹಾಕಿದ್ದಾರೆ. ಇದಕ್ಕೆ ಮೆಚ್ಚುಗೆ ವ್ಯಕ್ತವಾಗಿದೆ. ಎಸಿ ಕಚೇರಿಯಲ್ಲಿ ಕೆಲಸ ಮಾಡ್ತಿದ್ದ ಎಂಜಿನಿಯರ್ ರಸ್ತೆ ಬದಿ ನಿಂತು ಈಗ ಟೀ ಮಾರಾಟ ಮಾಡ್ತಿದ್ದಾನೆ. ಅಂಗಡಿ ಮುಂದೆ ತನ್ನ ಕಥೆಯನ್ನು ಈತ ಬರೆದಿದ್ದಾನೆ.

ಅನೇಕ ಕಂಪನಿಗಳಲ್ಲಿ ಕೆಲಸ ಮಾಡಿದ್ದೇನೆ. ಆದ್ರೆ ಎಲ್ಲೂ ನೆಮ್ಮದಿ ಸಿಗಲಿಲ್ಲ. ಹಾಗೆ ಒಳ್ಳೆ ಟೀ ಕುಡಿಯಲು ಸಿಗಲಿಲ್ಲ. ಹಾಗಾಗಿ ನನ್ನದೆ ಟೀ ಸ್ಟಾಲ್ ಶುರು ಮಾಡಿದ್ದೇನೆಂದು ಆತ ಬರೆದಿದ್ದಾನೆ. ಆತನ ಬಳಿ ಎರಡು ರೀತಿಯ ಟೀ, ಒಂದು ಕಾಫಿ ಹಾಗೂ ಅವಲಕ್ಕಿ ಸಿಗುತ್ತದೆ. ಐಎಎಸ್ ಅಧಿಕಾರಿ ಹಾಕಿರುವ ಟ್ವೀಟ್ ಗೆ ಸಾಕಷ್ಟು ಪ್ರತಿಕ್ರಿಯೆ ಬಂದಿದೆ. ಅನೇಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.