ವಿದ್ಯೆ ಅನ್ನೋದು ಎಲ್ಲರಿಗೂ ಒಲಿಯುವಂತಹ ಸ್ವತ್ತಲ್ಲ. ಕಲಿಯುವ ಅವಕಾಶವಿದ್ದರೂ ಅನೇಕರಿಗೆ ಶಿಕ್ಷಣ ಒಲಿಯೋದಿಲ್ಲ. ಕಲಿಯುವ ಹಂಬಲ ಇರುವ ಅನೇಕರಿಗೆ ಆರ್ಥಿಕ ಸಂಕಷ್ಟ ಶಿಕ್ಷಣವನ್ನ ಪೂರೈಸಲು ಅವಕಾಶ ನೀಡೋದಿಲ್ಲ.
ಇದೇ ಮಾತಿಗೆ ಸಾಕ್ಷಿ ಎಂಬಂತೆ ಎಟಿಎಂ ಕೇಂದ್ರದಲ್ಲಿ ಸೆಕ್ಯುರಿಟಿ ಗಾರ್ಡ್ ಒಬ್ಬ ಓದಿಕೊಳ್ಳುತ್ತಿರುವ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಐಎಎಸ್ ಅಧಿಕಾರಿ ಅವಿನಾಶ್ ಶರಣ್ ಎಂಬವರು ಟ್ವಿಟರ್ನಲ್ಲಿ ಈ ಫೋಟೋವನ್ನ ಶೇರ್ ಮಾಡಿದ್ದಾರೆ.
ಈ ಫೋಟೋವನ್ನ ಶೇರ್ ಮಾಡಿರುವ ಅವಿನಾಶ್, ಅಗ್ನಿ ಎಲ್ಲಿದೆ ಅನ್ನೋದು ಮುಖ್ಯವಲ್ಲ. ಎಲ್ಲೇ ಇದ್ದರೂ ಅಗ್ನಿ ಪ್ರಜ್ವಲಿಸುತ್ತಲೇ ಇರಬೇಕು ಎಂದು ಶೀರ್ಷಿಕೆ ನೀಡಿದ್ದಾರೆ. ಆದರೆ ಇಲ್ಲಿಯವರೆಗೆ ಈ ಫೋಟೋದಲ್ಲಿರುವ ವ್ಯಕ್ತಿಯ ಬಗ್ಗೆ ಹೆಚ್ಚಿನ ಮಾಹಿತಿ ಲಭ್ಯವಾಗಿಲ್ಲ.
ಈ ಫೋಟೋ ಪೋಸ್ಟ್ ಮಾಡಿದ ಕೆಲವೇ ನಿಮಿಷಗಳಲ್ಲಿ ಭಾರೀ ವೈರಲ್ ಆಗಿದೆ. ಕಮೆಂಟ್ ಸೆಕ್ಷನ್ನಲ್ಲಿ ಇಂತದ್ದೇ ಅನೇಕ ಘಟನೆಗಳನ್ನ ನೆಟ್ಟಿಗರು ಶೇರ್ ಮಾಡಿದ್ದಾರೆ. ಅನೇಕರು ಈ ಅಪರಿಚಿತ ವ್ಯಕ್ತಿಯ ಕಲಿಯುವ ಹಂಬಲಕ್ಕೆ ತಲೆಬಾಗಿದ್ದಾರೆ.
ಇಂತಹ ಘಟನೆ ಬೆಳಕಿಗೆ ಬಂದಿರೋದು ಇದೇ ಮೊದಲೇನಲ್ಲ. ಈ ಹಿಂದೆ ಅಂದರೆ 2019ರಲ್ಲಿ ಸೆಕ್ಯೂರಿಟಿ ಗಾರ್ಡ್ ಒಬ್ಬ ತನ್ನ ಡ್ಯೂಟಿ ವೇಳೆಯಲ್ಲೇ ಅಭ್ಯಾಸ ಮಾಡಿ ಜೆಎನ್ಯು ಪ್ರವೇಶಾತಿ ಪರೀಕ್ಷೆಯನ್ನ ಪಾಸ್ ಮಾಡಿ ಸುದ್ದಿಯಾಗಿದ್ದರು.
Loading ...