ಮೊದಲೆಲ್ಲ ಶಾಲೆಯಲ್ಲಿ ಹೋಂ ವರ್ಕ್ ಏಕೆ ಮಾಡಿಲ್ಲ ಎಂದು ಶಿಕ್ಷಕರು ಪ್ರಶ್ನೆ ಮಾಡಿದ್ರೆ ನೋಟ್ಬುಕ್ ಮನೆಲಿ ಬಿಟ್ಟು ಬಂದೆ ಎಂದು ಸಬೂಬನ್ನ ನೀಡಬಹುದಿತ್ತು. ಆದರೆ ಇವಾಗ ಆನ್ಲೈನ್ ಕ್ಲಾಸ್ಗಳು ನಡೀತಾ ಇರೋದ್ರಿಂದ ಈ ಸುಳ್ಳನ್ನ ಹೇಳೋಕೆ ಸಾಧ್ಯವೇ ಇಲ್ಲ.
ಆದರೆ ಇಲ್ಲೊಬ್ಬ ವಿದ್ಯಾರ್ಥಿ ಈ ಸಮಸ್ಯೆಗೂ ಒಂದು ಸಲ್ಯೂಷನ್ ಹುಡುಕಿದ್ದಾನೆ. ಶಿಕ್ಷಕಿ ಪ್ರಶ್ನೆ ಕೇಳಿದ ಸಂದರ್ಭದಲ್ಲಿ ಆತ ತನ್ನ ಯೂಸರ್ ನೇಮ್ನಲ್ಲಿ ರೀ ಕನೆಕ್ಟಿಂಗ್ ಎಂದು ಟೈಪ್ ಮಾಡಿದ್ದಾನೆ. ಸ್ವತಃ ಶಿಕ್ಷಕಿಯ ಪತಿ ಈ ವಿಚಾರವನ್ನ ಟ್ವಿಟರ್ನಲ್ಲಿ ಶೇರ್ ಮಾಡಿದ್ದಾರೆ.
ನನ್ನ ಪತ್ನಿ ಶಿಕ್ಷಕಿಯಾಗಿರೋದ್ರಿಂದ ಜೂಮ್ ಕ್ಲಾಸ್ ಮೂಲಕ ಮಕ್ಕಳಿಗೆ ಪಾಠ ಮಾಡುತ್ತಾಳೆ. ಈಕೆಯ ವಿದ್ಯಾರ್ಥಿಯೊಬ್ಬ ಪ್ರಶ್ನೆಗೆ ಉತ್ತರ ನೀಡಲು ಅಶಕ್ತನಾದಾಗೆಲ್ಲ ರಿ ಕನೆಕ್ಟಿಂಗ್ ಎಂದು ತನ್ನ ಹೆಸರನ್ನ ಬದಲಾಯಿಸಿಕೊಂಡುಬಿಡ್ತಾನೆ ಎಂದು ಬರೆದುಕೊಂಡಿದ್ದಾರೆ.
ಅಲ್ಲದೇ ಈತನ ಶಿಕ್ಷಣ ಸಾಮರ್ಥ್ಯದ ಬಗ್ಗೆ ತಲೆಕೆಡಿಸಿಕೊಳ್ಳುವ ಅಗತ್ಯವೇ ಇಲ್ಲ. ಯಾಕಂದ್ರೆ ಈ ವಿದ್ಯಾರ್ಥಿ ಬಹಳ ಬುದ್ಧಿವಂತ ಎಂದೂ ಟ್ವೀಟಾಯಿಸಿದ್ದಾರೆ. ಈ ಟ್ವೀಟ್ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
Loading ...