ಪಂಜಾಬಿ ಹಾಡಿಗೆ ರಾವಣನ ಭರ್ಜರಿ ಸ್ಟೆಪ್​

ಇಡೀ ದೇಶವೇ ದಸರಾ ಸಂಭ್ರಮದಲ್ಲಿ ಮುಳುಗಿದೆ. ಹೀಗಾಗಿ ಸೋಶಿಯಲ್​ ಮೀಡಿಯಾದಲ್ಲೂ ಸದ್ಯ ದಸರಾ ಸಂಭ್ರಮದ್ದೇ ಹವಾ. ಸಾಕಷ್ಟು ಪೂಜೆ – ಪುನಸ್ಕಾರಗಳ ವಿಡಿಯೋ ಜೊತೆಗೆ ರಾವಣ ವೇಷಧಾರಿಯ ಪಂಜಾಬಿ ನೃತ್ಯ ಟ್ವೀಟಿಗರನ್ನ ನಗೆಗಡಲಲ್ಲಿ ತೇಲಿಸಿದೆ.

ಪತ್ರಕರ್ತ ಅಮನ್​ ಸಿಂಗ್​ ಎಂಬವರು ಈ ವಿಡಿಯೋ ಶೇರ್​ ಮಾಡಿದ್ದು ಅದ್ರಲ್ಲಿ ರಾವಣನ ವೇಷ ಹಾಕಿದ ವ್ಯಕ್ತಿ ಪಂಜಾಬಿ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಸದ್ಯ ಈ ವಿಡಿಯೋಗೆ ಸಾವಿರಾರು ಲೈಕ್ಸ್ ಹಾಗೂ ಲಕ್ಷಗಟ್ಟಲೇ ವೀವ್ಸ್ ಸಿಕ್ಕಿದೆ.

ರಾವಣನ ವೇಷಧಾರಿ ಪಂಜಾಬಿ ಹಾಡಿಗೆ ಹೆಜ್ಜೆ ಹಾಕೋವಾಗ ರಾಮಾಯಣದ ಇತರೆ ವೇಷಧಾರಿಗಳು ಕಂಡು ಬಂದಿದ್ದಾರೆ.