ಮಹಿಳೆ ಜೊತೆ ಅಕ್ರಮ ಸಂಬಂಧ ಆರೋಪದಡಿಯಲ್ಲಿ ರಾಜಸ್ಥಾನದ ಝಾಲ್ವಾರ್ ಜಿಲ್ಲೆಯಲ್ಲಿ 28 ವರ್ಷದ ವ್ಯಕ್ತಿಗೆ ಸರಿಯಾಗಿ ಥಳಿಸಿ ಚಪ್ಪಲಿ ಮಾಲೆ ಹಾಕಿ ಬೆತ್ತಲೆ ಮೆರವಣಿಗೆ ಮಾಡಿದ್ದಾರೆ ಎಂದು ಪೊಲೀಸ್ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
ರಾಕೇಶ್ ರಾಥೋರ್ ಎಂಬಾತ ನೀಡಿದ ದೂರನ್ನ ಆಧರಿಸಿ 8 ಮಂದಿಯನ್ನ ಪೊಲೀಸರು ಬಂಧಿಸಿದ್ದಾರೆ. ಇತ್ತ ಮಹಿಳೆಯೊಬ್ಬಳು ನೀಡಿದ ದೂರನ್ನ ಆಧರಿಸಿ ರಾಥೋರ್ ಮೇಲೆ ಮನೆ ಅತಿಕ್ರಮಣ. ಲೈಂಗಿಕ ದೌರ್ಜನ್ಯ ಪ್ರಕರಣ ದಾಖಲಿಸಿ ಬಂಧಿಸಲಾಯಿತು ಅಂತಾ ಪೊಲೀಸ್ ಅಧಿಕಾರಿ ರಾಜೀವ್ ಪರಿಹಾರ್ ಮಾಹಿತಿ ನೀಡಿದ್ದಾರೆ.
ಪರಸ್ತ್ರೀಯೊಂದಿಗೆ ಇದ್ದ ರಾಥೋರ್ನನ್ನ ಮಹಿಳೆಯ ಪತಿ ರೆಡ್ ಹ್ಯಾಂಡ್ ಆಗಿ ಕಂಡು ಹಿಡಿದಿದ್ದರು. ಈ ವೇಳೆ ರಾಥೋರ್ಗೆ ಎಚ್ಚರಿಕೆ ನೀಡಿ ಆಕೆಯ ಪತಿ ಮನೆಯಿಂದ ಹೊರಹಾಕಿದ್ದ.
ಆದರೆ ಈ ಘಟನೆ ನಡೆದ ಒಂದು ದಿನದ ಬಳಿಕ ಮಹಿಳೆಯ ಪತಿಯ ಸ್ನೇಹಿತರು ರಾಥೋರ್ಗೆ ಕರೆ ಮಾಡಿ ಕರೆಸಿಕೊಂಡು ಥಳಿಸಿದ್ದಾರೆ. ಬಳಿಕ ಆತನನ್ನ ಬೆತ್ತಲೆ ಮಾಡಿ ಬೂಟಿನ ಮಾಲೆ ಹಾಕಿ ಬಾಗಲ್ ಗ್ರಾಮದಲ್ಲಿ ಮೆರವಣಿಗೆ ಮಾಡಿದ್ದಾರೆ ಎಂದು ಪ್ರಕರಣದ ತನಿಖಾಧಿಕಾರಿ ಪರಿಹಾರ್ ಹೇಳಿದ್ರು.
ರಾಥೋರ್ ಎಂಜಿಎನ್ಆರ್ಇಜಿಎ ಯೋಜನೆಯ ಮೇಲ್ವಿಚಾರಕನಾಗಿದ್ದರೆ, ಆ ಮಹಿಳೆ ರಾಷ್ಟ್ರೀಯ ಉದ್ಯೋಗ ಯೋಜನೆಯಡಿಯಲ್ಲಿ ಕೆಲಸಗಾರರಾಗಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಘಟನೆ ಬಳಿಕ ಒಂಬತ್ತು ಆರೋಪಿಗಳ ಪೈಕಿ 8 ಮಂದಿಯನ್ನ ಪೊಲೀಸರು ಬಂಧಿಸಿದ್ದಾರೆ. ಮಹಿಳೆಯ ಪತಿ ಪರಾರಿಯಾಗಿದ್ದಾನೆ.
Loading ...