ಹರಿದ ಜೀನ್ಸ್ಗಳ ಬಗ್ಗೆ ಉತ್ತರಾಖಂಡ್ ಸಿಎಂ ತಿರಥ್ ಸಿಂಗ್ ರಾವತ್ ವಿವಾದಾತ್ಮಕ ಹೇಳಿಕೆ ನೀಡಿದ ಬಳಿಕ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವಿರೋಧ ವ್ಯಕ್ತವಾಗ್ತಿದೆ. ಟ್ವಿಟರ್ ಅಭಿಯಾನಗಳ ಮೂಲಕ ಮಹಿಳೆಯರು, ಸೆಲೆಬ್ರಿಟಿಗಳು ಹರಿದ ಜೀನ್ಸ್ ಹಾಕಿದ ಫೋಟೋವನ್ನ ಶೇರ್ ಮಾಡುವ ಮೂಲಕ ತಮ್ಮ ಆಕ್ರೋಶ ಹೊರಹಾಕ್ತಿದ್ದಾರೆ.
ಇದೀಗ ಈ ಅಭಿಯಾನಕ್ಕೆ ಸಾಥ್ ನೀಡಿರುವ ಕಾಂಗ್ರೆಸ್ ನಾಯಕಿ ಪ್ರಿಯಾಂಕ ಗಾಂಧಿ ಟ್ವೀಟ್ ಒಂದನ್ನ ಮಾಡಿದ್ದಾರೆ. ಪ್ರಧಾನಿ ಮೋದಿ, ಕೇಂದ್ರ ಸಚಿವ ನಿತಿನ್ ಗಡ್ಕರಿ, ಆರ್ಎಸ್ಎಸ್ನ ಮೋಹನ್ ಭಾಗ್ವತ್ ಖಾಕಿ ಚಡ್ಡಿ ಹಾಕಿರುವ ಫೋಟೋ ಶೇರ್ ಮಾಡಿ ಅಯ್ಯೋ ದೇವರೆ..! ಮೊಣಕಾಲು ಕಾಣುತ್ತಿದೆ ಎಂದು ಶೀರ್ಷಿಕೆ ನೀಡಿದ್ದಾರೆ. ಈ ಟ್ವೀಟ್ಗೆ ಪ್ರಿಯಾಂಕಾ ಗಾಂಧಿ ವಾದ್ರಾ #rippedjeans ಹ್ಯಾಶ್ಟ್ಯಾಗ್ನ್ನು ಬಳಕೆ ಮಾಡಿದ್ದಾರೆ.
ಉತ್ತರಾಖಂಡ್ ಸಿಎಂ ತಿರಥ್ ಸಿಂಗ್ ರಾವತ್ ಯುವಜನತೆಯನ್ನುದ್ದೇಶಿಸಿ ಮಾತನಾಡುತ್ತಿದ್ದ ವೇಳೆ ಹರಿದ ಜೀನ್ಸ್ ಟ್ರೆಂಡ್ ಕುರಿತಂತೆ ವಿವಾದಾತ್ಮಕ ಹೇಳಿಕೆ ನೀಡಿದ್ದರು. ಹರಿದ ಜೀನ್ಸ್ ಧರಿಸಿ ಮೊಣಕಾಲು ಕಾಣಿಸಿಕೊಂಡು ತಿರುಗುವ ಅನೇಕ ಮಹಿಳೆಯರು ತಮ್ಮನ್ನ ತಾವು ಏನೋ ಎಂದು ತಿಳಿದುಕೊಳ್ತಾರೆ. ಇವರು ಸಮಾಜಕ್ಕೆ ಎಂತಹ ಸಂದೇಶ ನೀಡಬಲ್ಲರು ಎಂದು ಪ್ರಶ್ನೆ ಮಾಡಿದ್ದರು.
ತಿರಥ್ ಸಿಂಗ್ರ ಈ ಹೇಳಿಕೆ ಸಾಕಷ್ಟು ಆಕ್ರೋಶಕ್ಕೆ ಕಾರಣವಾಗಿದೆ. ಸಾಕಷ್ಟು ಸೆಲೆಬ್ರಿಟಿಗಳು, ರಾಜಕಾರಣಿಗಳು ಹಾಗೂ ಸಾಮಾನ್ಯ ಜನತೆ ಈ ಹೇಳಿಕೆಗೆ ಸಾಮಾಜಿಕ ಮಾಧ್ಯಮದಲ್ಲಿ ಆಕ್ರೋಶ ಹೊರಹಾಕ್ತಿದ್ದಾರೆ.
Loading ...