ಮುಂಬೈ ಜನತೆಗೆ ಮತ್ತೊಂದು ಹೊರೆ: ರೈಲ್ವೇ ಫ್ಲಾಟ್‌ ಫಾರಂ ಟಿಕೆಟ್‌ ಬೆಲೆಯಲ್ಲಿ ಭಾರಿ ಏರಿಕೆ

ಕೋವಿಡ್​ 19 ವೈರಸ್​ನ್ನು ನಿಯಂತ್ರಿಸುವ ಸಲುವಾಗಿ ಜನಸಂದಣಿ ಕಡಿಮೆ ಮಾಡಬೇಕು ಎಂಬ ಉದ್ದೇಶದಿಂದ ಮುಂಬರುವ ಬೇಸಿಗೆಯಿಂದ ಮುಂಬೈ ಮೆಟ್ರೋಪಾಲಿಟನ್​ ಪ್ರದೇಶಗಳಲ್ಲಿ ರೈಲು ಫ್ಲಾಟ್​ಫಾರ್ಮ್​ ಟಿಕೆಟ್​ ದರದಲ್ಲಿ ಏರಿಕೆ ಮಾಡಲಾಗಿದೆ ಎಂದು ರೈಲ್ವೆ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಛತ್ರಪತಿ ಶಿವಾಜಿ ಮಹಾರಾಜ್​​ ನಿಲ್ದಾಣ, ದಾದರ್ ಹಾಗೂ ಲೋಕಮಾನ್ಯ ತಿಲಕ್​ ನಿಲ್ದಾಣ ಮತ್ತು ಸಮೀಪದ ಥಾಣೆ, ಕಲ್ಯಾಣ್​, ಪನ್ವೆಲ್​ , ಭಿವಾಂಡಿ ಸ್ಟೇಷನ್​ಗಳ ಫ್ಲಾಟ್​ಫಾರಂ ದರ ಹೆಚ್ಚಾಗಿದೆ. ಈ ಹಿಂದೆ 10 ರೂಪಾಯಿ ಇದ್ದ ದರ 50 ರೂಪಾಯಿಗೆ ಏರಿಕೆಯಾಗಿದೆ.

ಮಾರ್ಚ್​ 1ರಿಂದ ಈ ಬೆಲೆ ಏರಿಕೆ ಜಾರಿಯಾಗಿದ್ದು ಜೂನ್​ 15ರವರೆಗೂ ಈ ಬೆಲೆ ಇರಲಿದೆ ಎಂದು ರೈಲ್ವೆ ಅಧಿಕಾರಿಗಳು ಹೇಳಿದ್ದಾರೆ.

ಬೇಸಿಗೆ ಕಾಲದಲ್ಲಿ ಜನಸಂದಣಿಯನ್ನ ತಪ್ಪಿಸಬೇಕು ಹಾಗೂ ಇದರಿಂದ ಕೊರೊನಾ ವೈರಸ್​ ನಿಯಂತ್ರಣದಲ್ಲಿ ಇರಬೇಕು ಎಂಬ ಕಾರಣಕ್ಕೆ ಈ ನಿರ್ಧಾರ ಕೈಗೊಳ್ಳಲಾಗಿದೆ.