ಕರೊನಾ ವೈರಸ್ ಹರಡುವಿಕೆ ಕಡಿಮೆ ಮಾಡಲಿಕ್ಕೋಸ್ಕರ ವಿಶ್ವಾದ್ಯಂತ ಜನರು ಮಾಸ್ಕ್ ಬಳಕೆ ಮಾಡ್ತಿದ್ದಾರೆ, ಆದರೆ ಕರೊನಾದಿಂದ ಬಚಾವಾಗೋ ಭರದಲ್ಲಿ ಅನೇಕರು ಪರಿಸರ ಮಾಲಿನ್ಯಕ್ಕೆ ಕಾರಣರಾಗುತ್ತಿದ್ದಾರೆ. ಕೊಕ್ಕಿನಲ್ಲಿ ಮಾಸ್ಕ್ನ್ನ ಹಿಡಿದುಕೊಂಡಿರೋ ಹಕ್ಕಿಯ ಫೋಟೋವೊಂದು ಮನುಷ್ಯನ ಅಜಾಗರೂಕತೆಯನ್ನ ಸಾರಿ ಹೇಳುತ್ತಿದೆ.
ಭಾರತೀಯ ಅರಣ್ಯ ಇಲಾಖೆಯ ಅಧಿಕಾರಿ ಸುಸಂತಾ ನಂದಾ ಎಂಬವರು ಟ್ವಿಟರ್ನಲ್ಲಿ ಈ ಫೋಟೋವನ್ನ ಶೇರ್ ಮಾಡಿದ್ದಾರೆ, ಮಾಸ್ಕ್ ಮನುಷ್ಯರ ಮುಖದಲ್ಲಿ ಇರಬೇಕು. ನೀವು ಹಾಕಿರುವ ಮಾಸ್ಕ್ಗಳನ್ನ ವಿಲೇವಾರಿ ಮಾಡುವ ಜವಾಬ್ದಾರಿಯನ್ನೂ ನೀವೇ ವಹಿಸಿಕೊಳ್ಳಿ. ಉಳಿದ ಜೀವಚರಗಳಿಗೂ ಈ ಭೂಮಿಯ ಮೇಲಿರಲು ನಮ್ಮಷ್ಟೇ ಹಕ್ಕಿದೆ ಅಂತಾ ಬರೆದುಕೊಂಡಿದ್ದಾರೆ.
ಈ ರೀತಿಯ ಫೋಟೋ ಟ್ವಿಟರ್ನಲ್ಲಿ ಹರಿದಾಡ್ತಾ ಇದ್ದಂತೆ ಟ್ವೀಟಿಗರು ಕೆಂಡಾಮಂಡಲರಾಗಿದ್ದಾರೆ. ಕರೊನಾದಿಂದ ನಿಮ್ಮನ್ನ ಬಚಾವು ಮಾಡಿಕೊಂಡಷ್ಟೇ ಜಾಗರೂಕತೆಯಿಂದ ಮಾಸ್ಕ್ಗಳನ್ನೂ ವಿಲೇವಾರಿ ಮಾಡಿ. ಇಲ್ಲವಾದಲ್ಲಿ ಪರಿಸರ ಮಾಲಿನ್ಯ ಹೆಚ್ಚಾಗಿ ಮತ್ತೊಂದು ತೊಂದರೆ ಅನುಭವಿಸಬೇಕಾದೀತು ಅಂತಾ ಕಾಮೆಂಟ್ ಮಾಡ್ತಿದ್ದಾರೆ,
Loading ...