ಮಿಲಿಟರಿ ಕ್ಯಾಂಟೀನ್ ನಲ್ಲಿ ಇನ್ಮುಂದೆ ಸಿಗಲ್ಲ ವಿದೇಶಿ ಮದ್ಯ

ದೇಶದಲ್ಲಿರುವ 4000 ಮಿಲಿಟರಿ ಶಾಪ್​ಗಳಲ್ಲಿ ಸರಕುಗಳನ್ನು ಆಮದು ಮಾಡುವುದನ್ನ ನಿಲ್ಲಿಸಿ ಅಂತಾ ಕೇಂದ್ರ ಸರ್ಕಾರ ಆದೇಶ ಹೊರಡಿಸಿದೆ. ಇದು ವಿದೇಶಿ ಮದ್ಯ ಸಂಸ್ಥೆಗಳಾದ ಡಿಯಾಜಿಯೋ ಹಾಗೂ ಪೆರ್ನೋಡ್​ ರಿಕಾರ್ಡ್​ಗೆ ಹೊಡೆತ ನೀಡಿದೆ.

ಭಾರತದ ರಕ್ಷಣಾ ಕ್ಯಾಂಟೀನ್​ಗಳಲ್ಲಿ ಲಭ್ಯವಿರುವ ಮದ್ಯ, ಎಲೆಕ್ಟ್ರಾನಿಕ್ಸ್ ಹಾಗೂ ಇತರೆ ವಸ್ತುಗಳನ್ನ ಸೈನಿಕರು ಹಾಗೂ ಮಾಜಿ ಸೈನಿಕರ ಕುಟುಂಬಕ್ಕೆ ರಿಯಾಯಿತಿ ದರದಲ್ಲಿ ಮಾರಾಟ ಮಾಡಲಾಗುತ್ತೆ. ಈ ಅಂಗಡಿಗಳಲ್ಲಿ ಇದೀಗ ವಿದೇಶಿ ವಸ್ತುಗಳಿಗೆ ಬ್ರೇಕ್​ ಹಾಕಲಾಗಿದೆ.

ಪ್ರಧಾನಿ ಮೋದಿಯವರ ಮಾತಿನಂತೆ ದೇಶಿಯ ಉತ್ಪನ್ನಗಳನ್ನ ಉತ್ತೇಜಿಸುವ ಸಲುವಾಗಿ ಈ ನಿರ್ಧಾರವನ್ನ ಕೈಗೊಳ್ಳಲಾಗಿದೆ ಅಂತಾ ಹೇಳಲಾಗ್ತಿದೆ. ಆದರೆ ಈ ವಿಚಾರವಾಗಿ ಯಾವುದೇ ಪ್ರತಿಕ್ರಿಯೆಯನ್ನ ನೀಡಲು ಕೇಂದ್ರ ರಕ್ಷಣಾ ಸಚಿವಾಲಯದ ವಕ್ತಾರರು ನಿರಾಕರಿಸಿದ್ದಾರೆ.