ಹ್ಯಾಂಡ್ ‌ವಾಶ್ ಮಾಡಲು ರಿಕ್ಷಾ ಚಾಲಕನ ಸೂಪರ್‌ ಐಡಿಯಾ

ಕೋವಿಡ್-19 ಸಾಂಕ್ರಮಿಕದಿಂದ ರಕ್ಷಿಸಿಕೊಳ್ಳಲು ಜನರು ಸಾಕಷ್ಟು ಕ್ರಿಯೇಟಿವ್‌ ಐಡಿಯಾಗಳನ್ನು ಕಂಡುಕೊಂಡಿದ್ದು, ಪ್ರತಿನಿತ್ಯ ಇವುಗಳ ಬಗ್ಗೆ ಅಂತರ್ಜಾಲದಲ್ಲಿ ಸಾಕಷ್ಟು ವೈರಲ್ ಸುದ್ದಿಗಳು ಹರಿದಾಡುತ್ತಿವೆ.

ಟ್ವಿಟರ್‌ ನಲ್ಲಿ ಯಾವಾಗಲೂ ಜನಸಾಮಾನ್ಯರ ನಡುವೆಯೇ ಇರುವ ಉದ್ಯಮಿ ಆನಂದ್ ಮಹೀಂದ್ರಾ ಇಂಥದ್ದೊಂದು ಐಡಿಯಾ ಇರುವ ವಿಡಿಯೋವೊಂದನ್ನು ಪೋಸ್ಟ್ ಮಾಡಿದ್ದಾರೆ.

ಆಟೋರಿಕ್ಷಾ ಚಾಲಕರೊಬ್ಬರು ತಮ್ಮ ಪುಟಾಣಿ ವಾಹನದಲ್ಲಿ ವಾಶ್ ಬೇಸಿನ್‌ ಇಟ್ಟು, ಅದರಿಂದ ಬರುವ ನೀರನ್ನು ಹೀರಿಕೊಳ್ಳಲು ಸಸಿಗಳಿರುವ ಎರಡು ಪುಟ್ಟ ಹೂಕುಂಡಗಳನ್ನು ಇಟ್ಟಿದ್ದಾರೆ. ಇದರ ಜೊತೆಗೆ ತಮ್ಮ ಪ್ರಯಾಣಿಕರು ಕಸ ಹಾಕಲೆಂದು ಒಣ ಕಸ ಹಾಗೂ ಹಸಿ ಕಸಗಳಿಗೆ ಪ್ರತ್ಯೇಕವಾಗಿ ಬುಟ್ಟಿಗಳನ್ನೂ ಇಟ್ಟಿದ್ದಾರೆ.