ಕೃಷಿಕರೇ ಗಮನಿಸಿ: ಈ ವರ್ಷದ ಮುಂಗಾರಿನ ಕುರಿತು ಹವಾಮಾನ ಇಲಾಖೆಯಿಂದ ಮಹತ್ವದ ಮಾಹಿತಿ

ನೈಋತ್ಯ ಮಾನ್ಸೂನ್​​ನ ಕಾಲದಲ್ಲಿ ( ಜೂನ್​ – ಸೆಪ್ಟೆಂಬರ್​ ) ದೇಶಾದ್ಯಂತ 96 ರಿಂದ 104 ಪ್ರತಿಶತದಷ್ಟು ಸರಾಸರಿ ಮಳೆ ಸುರಿಯಲಿದೆ ಎಂದು ಹವಾಮಾನ ಇಲಾಖೆ ಹೇಳಿದೆ.

ದೇಶದಲ್ಲಿ ಜೂನ್​​ನಿಂದ ಸೆಪ್ಟೆಂಬರ್​ವರೆಗೆ ನಾಲ್ಕು ತಿಂಗಳ ದೀರ್ಘಾವದಿ ಮಳೆಗಾಲ ಇರಲಿದೆ ಎಂದು ಮಾಹಿತಿ ನೀಡಿದ ಭೂ ವಿಜ್ಞಾನ ಸಚಿವಾಲಯದ ಕಾರ್ಯದರ್ಶಿ ಎಂ. ರಾಜೀವನ್​, ಎಲ್​ಪಿಎ 98 ಪ್ರತಿಶತದಷ್ಟು ಮಳೆಯಾಗಲಿದೆ. ಇದು ದೇಶಕ್ಕೆ ನಿಜವಾಗಿಯೂ ಒಳ್ಳೆಯ ಸುದ್ದಿಯಾಗಿದೆ.

ಇದರಿಂದ ಕೃಷಿ ಚಟುವಟಿಕೆಗೆ ಇನ್ನಷ್ಟು ಸಹಕಾರಿಯಾಗಲಿದೆ ಎಂದು ಹೇಳಿದ್ರು. ಈ ಒಳ್ಳೆಯ ಮಳೆಯಿಂದಾಗಿ ಕೃಷಿ ಸಂಬಂಧಿ ಆರ್ಥಿಕ ವಲಯ ಕೂಡ ಚೇತರಿಸಿಕೊಳ್ಳಲಿದೆ ಎಂದು ಅಂದಾಜಿಸಲಾಗಿದೆ.