BIG NEWS: ಮಾಡೆರ್ನಾ ಬಿಡುಗಡೆ ಮಾಡ್ತಿದೆ ಕೊರೊನಾ ಸಿಂಗಲ್ ಡೋಸ್ ಲಸಿಕೆ

ಕೊರೊನಾ ಲಸಿಕೆ ತಯಾರಕ ಕಂಪನಿ ಮಾಡೆರ್ನಾ ಮುಂದಿನ ವರ್ಷದೊಳಗೆ ಭಾರತದಲ್ಲಿ ಸಿಂಗಲ್ ಡೋಸ್ ಕೊರೊನಾ ಲಸಿಕೆ ಬಿಡುಗಡೆ ಮಾಡುವ ಸಾಧ್ಯತೆಯಿದೆ. ಮಾಹಿತಿ ಪ್ರಕಾರ, 5 ಕೋಟಿ ಡೋಸ್ ಪೂರೈಕೆಗಾಗಿ ಸಿಪ್ಲಾ ಸಂಸ್ಥೆಯೊಂದಿಗೆ ಮಾಡೆರ್ನಾ ಒಪ್ಪಂದ ಮಾಡಿಕೊಳ್ಳುವ ಬಗ್ಗೆ ಮಾತುಕತೆ ನಡೆಸುತ್ತಿದೆ.

ಇದಕ್ಕೂ ಸ್ವಲ್ಪ ಮೊದಲು ಮಾಡೆರ್ನಾ ಮಕ್ಕಳ ಮೇಲಿನ ಲಸಿಕೆ ಪ್ರಯೋಗದ ಎರಡನೇ ಮತ್ತು ಮೂರನೇ ಹಂತದ ಫಲಿತಾಂಶಗಳನ್ನು ಬಿಡುಗಡೆ ಮಾಡಿದೆ. ಲಸಿಕೆ ಶೇಕಡಾ 100ರಷ್ಟು ಪರಿಣಾಮಕಾರಿ. ಮಕ್ಕಳಿಗೆ ಇದು ಸುರಕ್ಷಿತವೆಂದು ಕಂಪನಿ ವರದಿಯಲ್ಲಿ ಹೇಳಿದೆ. ಕಂಪನಿ 12 ರಿಂದ 17 ವರ್ಷದೊಳಗಿನ 3 ಸಾವಿರ 732 ಮಕ್ಕಳ ಮೇಲೆ ಲಸಿಕೆಯ ಪ್ರಯೋಗವನ್ನು ಮಾಡಿದೆ. ಈ ಪೈಕಿ 2 ಸಾವಿರ 488 ಮಕ್ಕಳಿಗೆ ಎರಡೂ ಪ್ರಮಾಣದ ಕೊರೊನಾ ಲಸಿಕೆ ನೀಡಲಾಗಿದೆ. ಉಳಿದ ಮಕ್ಕಳಿಗೆ ಕೇವಲ ಒಂದು ಡೋಸ್ ಲಸಿಕೆ ನೀಡಲಾಗಿದೆ. ಕಂಪನಿಯ ಪ್ರಕಾರ, ಲಸಿಕೆಯ ಎರಡೂ ಪ್ರಮಾಣವನ್ನು ನೀಡಿದ ಮಕ್ಕಳಲ್ಲಿ ಕೊರೊನಾ  ಲಕ್ಷಣಗಳು ವರದಿಯಾಗಿಲ್ಲ.

ಎರಡನೇ ಮತ್ತು ಮೂರನೇ ಹಂತದ ಫಲಿತಾಂಶಗಳ ನಂತರ, ಲಸಿಕೆ ತಯಾರಕ ಕಂಪನಿ ಮಾಡೆರ್ನಾ, ಜೂನ್ ತಿಂಗಳಲ್ಲಿ ಮಕ್ಕಳಿಗೆ ಲಸಿಕೆ ಹಾಕುವ ಬಗ್ಗೆ ಯುಎಸ್ ನಿಯಂತ್ರಕ ಸಂಸ್ಥೆಯಾದ ಎಫ್ಡಿಎಗೆ ಒಪ್ಪಿಗೆ ಕೇಳಲಿದೆ.