ಕೃಷಿ ಮಸೂದೆ ವಿರೋಧಿಸಿ ಪಂಜಾಬ್, ಹರಿಯಾಣ, ಉತ್ತರ ಪ್ರದೇಶ ಸೇರಿದಂತೆ ವಿವಿಧ ಭಾಗದ ರೈತರು ಕಳೆದ ವರ್ಷ ನವೆಂಬರ್ನಿಂದ ಸಿಂಗು ಗಡಿ, ಟಿಕ್ರಿ, ಘಾಜಿಪುರ, ಸೇರಿದಂತೆ ವಿವಿಧೆಡೆ ಪ್ರತಿಭಟನೆ ನಡೆಸುತ್ತಿದ್ದಾರೆ. ಕೇಂದ್ರದ ವಿರುದ್ಧದ ಹೋರಾಟ 2 ತಿಂಗಳು ಪೂರೈಸುತ್ತಾ ಬಂದಿದ್ದು ತಮ್ಮ ಪ್ರತಿಭಟನಾ ಸ್ಥಳವನ್ನೇ ಪುಟ್ಟ ಪಟ್ಟಣ ಮಾಡಿಕೊಂಡಿರುವ ರೈತ ಹೋರಾಟಗಾರರು ಲೈಬ್ರರಿ, ಲಾಂಡ್ರಿ, ಮಸಾಜ್ ಸ್ಪಾ ಸೇರಿದಂತೆ ಅನೇಕ ವ್ಯವಸ್ಥೆ ಮಾಡಿಕೊಂಡಿದ್ದಾರೆ.
ಇದೀಗ ಸಿಖ್ ಇತಿಹಾಸವನ್ನ ಸಾರುವ ಮೊಬೈಲ್ ಮ್ಯೂಸಿಯಂನ್ನು ಮೊಹಾಲಿಯಿಂದ ಸಿಂಗು ಗಡಿಯಲ್ಲಿರುವ ರೈತರ ಪ್ರತಿಭಟನಾ ಸ್ಥಳಕ್ಕೆ ತರಲಾಗಿದೆ. ಮೊಹಾಲಿ ನಿವಾಸಿ ಪರ್ವೀಂದರ್ ಸಿಂಗ್ ಎಂಬವರಿಗೆ ಸೇರಿದ ಮೊಬೈಲ್ ಮ್ಯೂಸಿಯಂ ಇದಾಗಿದೆ. ಸಿಖ್ ಧರ್ಮದ ಇತಿಹಾಸದ ಬಗ್ಗೆ ಯುವ ಪೀಳಿಗೆ ತಿಳಿದುಕೊಳ್ಳಲಿ ಅಂತಾ ಈ ವಸ್ತು ಸಂಗ್ರಹಾಲಯ ಸ್ಥಾಪಿಸಿದ್ದೇನೆ ಅಂತಾರೆ ಪರ್ವೀಂದರ್ ಸಿಂಗ್.
ಏತನ್ಮಧ್ಯೆ ಸದ್ಯ ವಿವಾದಿತ ಕೃಷಿ ಮಸೂದೆ ಸುಪ್ರೀಂ ಕೋರ್ಟ್ ಅಂಗಳದಲ್ಲಿದ್ದು ಇಂತಹ ಪರಿಸ್ಥಿತಿಯಲ್ಲಿ ರೈತರು ಹೋರಾಟ ಮಾಡೋದನ್ನ ನೋಡುತ್ತಾ ಕೂರೋದು ಸರಿಯಲ್ಲ. ಹೀಗಾಗಿ ಈ ಕೂಡಲೇ ಕೃಷಿ ಮಸೂದೆ ವಾಪಸ್ ಪಡೆಯುವಂತೆ ಸುಪ್ರೀಂ ಕೋರ್ಟ್ ಕೇಂದ್ರಕ್ಕೆ ಸೂಚನೆ ನೀಡಿದೆ. ಮಾತ್ರವಲ್ಲದೇ ಈ ಮಸೂದೆಯ ಬಗೆಗಿನ ಚರ್ಚೆಗೆ ಸಮಿತಿ ರಚನೆಗೆ ಮುಂದಾಗಿದ್ದು ಇದರಲ್ಲಿ ರೈತರನ್ನೂ ಸದಸ್ಯರನ್ನಾಗಿ ಮಾಡುವ ಇರಾದೆ ಹೊಂದಿತ್ತು.
ಆದರೆ ರೈತ ಸಂಘಟನೆಗಳು ತಾವು ಯಾವುದೇ ಸಂಘಟನೆಗಳಲ್ಲಿ ಭಾಗಿಯಾಗೋದಿಲ್ಲ. ಕೃಷಿ ಮಸೂದೆ ವಾಪಸ್ ಪಡೆಯುವವರೆಗೂ ನಮ್ಮ ನಿರ್ಧಾರ ಅಚಲ ಎಂದು ಸ್ಪಷ್ಟನೆ ನೀಡಿವೆ.
Loading ...