ಚಾರಿಟೇಬಲ್ ಟ್ರಸ್ಟ್ ಸಹಾಯದಿಂದ ಮನೆ ಸೇರಿದ ಮಾನಸಿಕ ಅಸ್ವಸ್ಥ

ಹೈದ್ರಾಬಾದ್: 2016 ರಲ್ಲಿ ತನ್ನ ಮನೆಯಿಂದ ನಾಪತ್ತೆಯಾಗಿದ್ದ ಮಾನಸಿಕ ಅಸ್ವಸ್ಥ ರಾಜೇಶ್ ಮರಳಿ ತನ್ನ ಕುಟುಂಬವನ್ನು ಸೇರಿದ್ದಾನೆ.‌

ಸೋಮವಾರ ಆತನನ್ನು ಕರೆತರಲಾಗಿದ್ದು, ಜ. 13 ರಂದು ನಿಯಮಾನುಸಾರ ಹಸ್ತಾಂತರ ಮಾಡಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಉದ್ದವಂ ಕರಂಗಳ್ ಎಂಬ ಚಾರಿಟೇಬಲ್ ಟ್ರಸ್ಟ್ ನ ಸಂಸ್ಥಾಪಕ ವಿದ್ಯಾಕುಮಾರ್ ಮಧುರೈ ರಾಷ್ಟ್ರೀಯ ಹೆದ್ದಾರಿ 38. ರಲ್ಲಿ ರಾಜೇಶ್ ನನ್ನು ಜನವರಿ 1 ರಂದು ಗುರುತಿಸಿದ್ದು ಮರಳಿ ಊರಿಗೆ ಕರೆ ತಂದಿದ್ದಾರೆ.

ನಾಲ್ಕು ವರ್ಷದ ಹಿಂದೆ ಆತ ನಾಪತ್ತೆಯಾದಾಗ ಮರಳಿ ಸಿಗುತ್ತಾನೆ ಎಂದುಕೊಂಡೇ ಇರಲಿಲ್ಲ. ಮನೆಯ ಎಲ್ಲರೂ ಆತನನ್ನು ಸ್ವಾಗತಿಸಿದ್ದೇವೆ ಎಂದು ರಾಜೇಶ ಹಿರಿಯಣ್ಣ ಜೋಶ್ವನಾಥ ಹೇಳಿದ್ದಾರೆ.‌