ಕೊರೊನಾ 2 ನೇ ಅಲೆ ಆರ್ಭಟ: 10 – 12 ನೇ ತರಗತಿ ಪರೀಕ್ಷೆ ಮುಂದೂಡಿದ ಮಧ್ಯ ಪ್ರದೇಶ ಸರ್ಕಾರ

ರಾಜ್ಯದ ಶಿಕ್ಷಣ ಇಲಾಖೆ ಸಚಿವ ಇಂದರ್​​ ಸಿಂಗ್ ಪರ್ಮಾರ್​​ ಈ ವಿಚಾರವಾಗಿ ಮಾತನಾಡಿ ಏಪ್ರಿಲ್​ 30ರಂದು ನಡೆಯಬೇಕಿದ್ದ ಪರೀಕ್ಷೆಗಳನ್ನ ಮೇ 30ಕ್ಕೆ ಮುಂದೂಡಿದ್ದೇವೆ. ಪ್ರಾಕ್ಟಿಕಲ್​ ಪರೀಕ್ಷೆ ಕೂಡ ಮೇ 15ರೊಳಗೆ ನಡೆಯಲಿದೆ ಅಂತಾ ಹೇಳಿದ್ರು.

ಶಿಕ್ಷಣ ಇಲಾಖೆ ಇನ್ನೇನು ಕೆಲವೇ ದಿನಗಳಲ್ಲಿ 10 ಹಾಗೂ 12ನೇ ತರಗತಿ ಪರೀಕ್ಷೆಯ ವೇಳಾಪಟ್ಟಿಯನ್ನ ಬಿಡುಗಡೆ ಮಾಡಲಿದೆ ಎಂದು ಪರ್ಮಾರ್​ ಹೇಳಿದ್ದಾರೆ.

ಇನ್ನು ಪೂರ್ವಸಿದ್ಧತಾ ಪರೀಕ್ಷೆಗಳನ್ನ ವಿದ್ಯಾರ್ಥಿಗಳಿಗೆ ಮನೆಯಲ್ಲೇ ಕೂತು ಎದುರಿಸಲು ಹೇಳಲಾಗಿದೆ. ಬಳಿಕ ಈ ಉತ್ತರ ಪತ್ರಿಕೆಯನ್ನ ಶಾಲೆಗೆ ಸಲ್ಲಿಸಬೇಕು. ಶಾಲೆಯಿಂದ ಬಹಳವೇ ದೂರದಲ್ಲಿ ಇರುವ ವಿದ್ಯಾರ್ಥಿಗಳು ಹತ್ತಿರದ ಪರೀಕ್ಷಾ ಕೇಂದ್ರಗಳಲ್ಲಿ ಉತ್ತರ ಪತ್ರಿಕೆಯನ್ನ ಸಲ್ಲಿಸಲು ಅವಕಾಶ ನೀಡಲಾಗಿದೆ.

ಇನ್ನು ಇದರ ಜೊತೆಯಲ್ಲಿ 1 ರಿಂದ 8ನೇ ತರಗತಿ ವಿದ್ಯಾರ್ಥಿಗಳಿಗೆ ಬೇಸಿಗೆ ರಜೆಯನ್ನೂ ಸರ್ಕಾರ ಘೋಷಣೆ ಮಾಡಿದೆ. ಸರ್ಕಾರದ ಆದೇಶದ ಪ್ರಕಾರ ಸರ್ಕಾರಿ ಶಾಲೆಗಳು ಜೂನ್​ 13ರವರೆಗೂ ಬಂದ್​ ಇರಲಿವೆ. ಖಾಸಗಿ ಶಾಲೆಗಳಿಗೆ ಏಪ್ರಿಲ್​ 30ರ ವರೆಗೆ ತರಗತಿ ನಡೆಸದಂತೆ ಸೂಚನೆ ನೀಡಲಾಗಿದೆ.