ಯೂಟ್ಯೂಬರ್​ ಪರ ನಿಂತ ನಟ ಮಾಧವನ್​

ವೃದ್ಧ ದಂಪತಿಯ ದುಃಸ್ಥಿತಿಯನ್ನ ವಿಡಿಯೋ ಮಾಡಿ ಅದನ್ನ ಸೋಶಿಯಲ್​ ಮೀಡಿಯಾಗಳಲ್ಲಿ ಪೋಸ್ಟ್ ಮಾಡುವ ಮೂಲಕ ಗೌರವ್​ ವಾಸನ್​ ಒಳ್ಳೆಯ ಕೆಲಸವನ್ನೇ ಮಾಡಿದ್ದಾರೆ. ಅವರ ವಿರುದ್ಧದ ಆರೋಪಗಳು ಸುಳ್ಳು ಎಂದು ಸಾಬೀತಾದರೆ ನಾವೆಲ್ಲ ಅವರನ್ನ ಇನ್ನಷ್ಟು ಶ್ಲಾಘಿಸೋಣ ಎಂದು ಟ್ವೀಟಾಯಿಸಿದ್ದಾರೆ.

ಬಾಬಾ ಕಾ ಡಾಬಾದ ದುಃಸ್ಥಿತಿಯನ್ನ ವಿಡಿಯೋ ಮಾಡಿ ಅದನ್ನ ಸಾಮಾಜಿಕ ಜಾಲತಾಣದಲ್ಲಿ ಹಾಕುವ ಮೂಲಕ ಕಾಂತಾ ಪ್ರಸಾದ್​ ಹಾಗೂ ಬಾದಾಮಿ ದೇವಿ ದಂಪತಿಗೆ ಗೌರವ್​ ಪ್ರಚಾರವನ್ನ ತಂದುಕೊಟ್ಟಿದ್ದರು.

ಇದಾದ ಬಳಿಕ ಕಾಂತಾ ಪ್ರಸಾದ್​ ಡಾಬಾಗೆ ಜನಸಮೂಹವೇ ಹರಿದು ಬಂದಿತ್ತು. ಆದರೆ ಈಗ ಕಾಂತಾ ಪ್ರಸಾದ್,​ ಗೌರವ್​ ನಮ್ಮ ಹೆಸರನ್ನು ಬಳಕೆ ಮಾಡಿಕೊಂಡು ಬಂದ ದೇಣಿಗೆ ಹಣವನ್ನ ದುರುಪಯೋಗ ಮಾಡಿಕೊಳ್ತಿದ್ದಾರೆ ಅಂತಾ ದೂರು ದಾಖಲಿಸಿದ್ದಾರೆ.